മഹാരാഷ്‌ട്ര ഷിർപൂർ മണ്ഡലത്തിൽ സിപിഐ സ്ഥാനാർത്ഥി ബുദ്ധ പവാര നോമിനേഷൻ നൽകി. കോൺഗ്രസ്, എൻസിപി (ശരത് പവാര്‍) ശിവസേന (ഉദ്ധവ് താക്കറെ) എന്നി പാര്‍ട്ടികള്‍ നയിക്കുന്ന മഹാവികാസ് അഘാഡിയുടെ ഭാഗമായിട്ടാണ് സിപിഐ മത്സരിക്കുന്നത്. സിപിഐ ദേശിയ സെക്രട്ടറിയേറ്റ് അംഗം ബി കെ കാങ്കോ , സംസ്ഥാന സെക്രട്ടറി സുബാഷ് ലാൻഡെ തുടങ്ങിയവർ സ്ഥാനാർത്ഥിക്കൊപ്പമുണ്ടായിരുന്നു.
അഖിലേന്ത്യ കിസാൻ സഭ നേതാവായ ബുദ്ധപവാര നിരവധി സമരങ്ങളിൽ പങ്കെടുത്ത് ജയിൽവാസം അനുഭവിച്ചിട്ടുണ്ട്. സീറ്റ് ചർച്ചയുടെ തുടക്കത്തിൽ തന്നെ സിപിഐയെ മുന്നണിയുടെ ഭാഗമാക്കണമെന്ന ആവശ്യം എൻ സി പി പ്രസിഡന്റ് ശരദ് പവർ മുന്നോട്ട് വെച്ചിരുന്നതായി സിപിഐ നേതാക്കൾ അറിയിച്ചു.