തെക്കൻ കശ്മീരിലെ കുൽഗാം ജില്ലയിൽ ഇന്ന് നടന്ന രൂക്ഷമായ ഏറ്റുമുട്ടലിൽ പാകിസ്ഥാൻ പൗരരെന്ന് കരുതുന്ന രണ്ട് തീവ്രവാദികളും രണ്ട് സൈനികരും കൊല്ലപ്പെട്ടു. ഓപ്പറേഷനിൽ ഒരു ആർമി മേജറിനും പരിക്കേറ്റതായി അധികൃതർ അറിയിച്ചു.
കുൽഗാമിലെ ഗുദാർ വനമേഖലയിൽ തീവ്രവാദികളുടെ സാന്നിധ്യമുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ സുരക്ഷാ സേന തിരച്ചിൽ നടത്തിയതിനെ തുടർന്നാണ് ഏറ്റുമുട്ടൽ ഉണ്ടായത്.
ഭീകരർ സുരക്ഷാ സേനയ്ക്ക് നേരെ വെടിയുതിർത്തതോടെ തിരച്ചിൽ ഏറ്റുമുട്ടലായി മാറുകയായിരുന്നു. കൊല്ലപ്പെട്ട തീവ്രവാദികളിൽ ഒരാൾ തദ്ദേശീയനാണെന്നും റഹ്മാൻ ഭായ് എന്ന അപര നാമമുള്ള മറ്റയാൾ തീവ്രവാദിയാണെന്നും പ്രാഥമിക റിപ്പോർട്ടുകളിൽ പറയുന്നു.