ഒരാഴ്ചമുമ്പ് കൊച്ചി എളമക്കരയില്‍ ലോഡ്ജിൽ മരിച്ച നിലയിൽ കണ്ടെത്തിയ ഒന്നര മാസം പ്രായമുള്ള കുഞ്ഞിന്റെ മൃതദേഹം ഏറ്റുവാങ്ങാന്‍ ആരുമില്ലാത്ത സാഹചര്യത്തില്‍ സംസ്കാരം നടത്താന്‍ തീരുമാനിച്ച് പൊലീസ്.
നിലവില്‍ കളമശേരി മെഡിക്കല്‍ കോളേജ് മോര്‍ച്ചറിയിലാണ് കുഞ്ഞിന്റെ മൃതദേഹം സൂക്ഷിച്ചിരിക്കുന്നത്. സംസ്കാരം നാളെയല്ലെങ്കില്‍ മറ്റന്നാളായി നടത്തിയേക്കുമെന്നും പൊലീസ് അറിയിച്ചു. സംഭവത്തില്‍ കുഞ്ഞിന്റെ അമ്മയും ആണ്‍സുഹൃത്തും അറസ്റ്റിലായി ദിവസങ്ങള്‍ കഴിഞ്ഞിട്ടും കുഞ്ഞിന്റെ മൃതദേഹം ഏറ്റെടുക്കാന്‍ ആരും തയ്യാറായിരുന്നില്ല.
കുട്ടിയുടെ മാതാവും ഷാനിസും തമ്മിൽ അടുപ്പത്തിലായിരുന്നു. തലയോട്ടിക്കേറ്റ ക്ഷതമാണ് മരണകാരണമെന്നാണ് പോസ്റ്റുമോർട്ടം റിപ്പോർട്ട്. കുഞ്ഞിന്റെ ശരീരത്തിലെ പരിക്കുകൾ കണ്ട ഡോക്ടറാണ് പൊലീസിനെ വിവരം അറിയിക്കുന്നത്. തുടര്‍ന്ന് നടത്തിയ അന്വേഷണത്തിലാണ് കുഞ്ഞിന്റെ മാതാവും സുഹൃത്തും അറസ്റ്റിലായത്.
English Summary: Even the dead body of one-and-a-half-year-old boy does not belong to his father: Police say they are ready to cremate him
You may also like this video
