ഉത്തരേന്ത്യയില്‍ തുടരുന്ന അതി ശൈത്യം രൂക്ഷമാകുകയാണ്.ഡല്‍ഹിയില്‍ ഇന്നലെ 42 ട്രെയിനുകളാണ് വൈകിയോടിയത്. ഡല്‍ഹിയിലെ കുറഞ്ഞ താപനില 1.9 ഡിഗ്രി സെല്‍ഷ്യസാണ്. ട്രെയിന്‍ സര്‍വ്വീസിനെയും വിമാന സര്‍വ്വീസിനെയും അതിശൈത്യം ബാധിച്ചിട്ടുണ്ട്.
രാജ്യാന്തര വിമാനത്താവളത്തില്‍ മൂടല്‍മഞ്ഞിനെ തുടര്‍ന്ന് യാത്രക്കാര്‍ക്ക് മുന്നറിയിപ്പ് പ്രഖ്യാപിച്ചു.ഡല്‍ഹി എയര്‍പോര്‍ട്ടില്‍ നിന്ന് 34 ആഭ്യന്തര വിമാനങ്ങള്‍ വൈകിയാണ് പുറപ്പെടുന്നത്. 12 വിമാനങ്ങള്‍ ഡല്‍ഹിയിലേക്കുള്ളത് വൈകി. ഉത്തരേന്ത്യയിലെ മറ്റ് സംസ്ഥാനങ്ങളിലും അതിശൈത്യം തുടരുകയാണ്. ഹരിയാന, പഞ്ചാബ്, രാജസ്ഥാന്‍, ഹിമാചല്‍പ്രദേശ്, ഉത്തരാഖണ്ഡ്, ഉത്തര്‍പ്രദേശ് തുടങ്ങിയ സംസ്ഥാനങ്ങളും അതിശൈത്യമാണ്.
English Summary;Extreme winter in North India; 42 trains are delayed
You may also like this video
