കോട്ടയം മൂന്നിലവില്‍ രണ്ടു വയസുകാരനായ മകന്റെ തലയില്‍ തിളച്ചവെള്ളം ഒഴിച്ച് അച്ഛൻ. അമ്മ ചൈല്‍ഡ്‌ലൈനില്‍ നല്‍കിയ പരാതിയില്‍ ഇയാളെ പൊലീസ് അറസ്റ്റ് ചെയ്തു. മൂന്നിലവ് കടവുപുഴ സ്വദേശി അനു പ്രസന്നനാണ് അറസ്റ്റിലായത്. കുടുംബവഴക്കിനെ തുടർന്നാണ് അച്ഛൻ കുട്ടിയുടെ തലയിൽ തിളച്ച വെള്ളം ഒഴിച്ചതെന്നാണ് റിപ്പോർട്ട്.
സാരമായി പൊള്ളലേറ്റ കുട്ടി അമ്മയ്ക്കൊപ്പം ഇടുക്കി നെടുങ്കണ്ടത്തെ വീട്ടിലാണിപ്പോൾ. കുട്ടിയുടെ നില ഗുരുതരമായതിനെ തുടർന്ന് അമ്മ ചൈൽഡ് ലൈനിൽ പരാതി നൽകുകയായിരുന്നു. അനുവിനെ അറസ്റ്റ് ചെയ്യാത്തതിൽ കടുത്ത പ്രതിഷേധവുമായി കുട്ടിയുടെ അമ്മ രംഗത്തെത്തിയിരുന്നു. അനുവിന്റെ സഹോദരി പൊലീസിൽതന്നെ ജോലി ചെയ്യുന്നതിനാൽ കേസ് ഒതുക്കി തീർക്കാൻ നടപടികളുണ്ടായി എന്നതടക്കമുള്ള ആക്ഷേപം ഉയർന്നിരുന്നു. ഇതിന് പിന്നാലെയാണ് അറസ്റ്റ്.
English Summary: father arrested in child-attack
You may also like this video
