അനീതി നടന്നിട്ടുണ്ടെങ്കിൽ അത് നിങ്ങളുടെ ഉള്ളിലും കൊള്ളണം

ലോകത്ത് എവിടെയും അനീതി നടന്നിട്ടുണ്ടെങ്കിൽ അത് നിങ്ങളുടെ ഉള്ളിലും കൊള്ളണം ’ ചെഗുവേരയുടെ വാക്കുകളുമായി നടി ഭാവന . ഇൻസ്റ്റാഗ്രാമിൽ ചെഗുവേരയുടെ ചിത്രം ഉൾപ്പടെ പങ്കുവെച്ച പോസ്റ്റ് വൈറലായി . എഎംഎംഎ ജനറൽ സെക്രട്ടറി സിദ്ദിക്ക് , ചലച്ചിത്ര അക്കാഡമി ചെയർമാൻ രഞ്ജിത്ത് എന്നിവരുടെ രാജിയെ തുടർന്ന് നിരവധി താരങ്ങളും പ്രതികരണങ്ങളുമായി സോഷ്യൽ മീഡിയയിൽ സജീവമായി . ഒരു സ്‌ത്രീ പോരാടാൻ തുടങ്ങിയിടത്ത് നിന്നാണ് തുടക്കമെന്ന് മഞ്ജുവാര്യർ ഫേസ് ബുക്കിൽ കുറിച്ചു. പൊരുതാനുള്ള അവളുടെ നിശ്ചയദാർഢ്യത്തിൻറെ ഫലമാണിതെന്ന് സംവിധായിക ഗീതു മോഹൻദാസും ഈ ലോകം എല്ലാവർക്കും ഒരുപോലെ അവകാശപ്പെട്ടതെന്ന് നടി രമ്യാ നമ്പീശനും ഫേസ്‌ബുക്കിൽ കുറിച്ചു.