സംസ്ഥാനത്തെ സ്കൂളുകളില് അറിവിന്റെ ആവേശോത്സവത്തിന് തുടക്കം. ജനയുഗം സഹപാഠിയും എകെഎസ്ടിയുവും സംയുക്തമായി എൽപി മുതൽ ഹയർസെക്കൻഡറി വരെയുള്ള വിദ്യാർത്ഥികൾക്കുവേണ്ടി സംഘടിപ്പിക്കുന്ന അറിവുത്സവത്തിന്റെ ഈ വർഷത്തെ മത്സരങ്ങൾക്ക് തുടക്കമായി. സ്കൂൾ തലത്തിലുള്ള മത്സരങ്ങൾ ഇന്ന് നടന്നു. വിവിധ ജില്ലകളിലായി ആയിരക്കണക്കിന് കുട്ടികള് അറിവുത്സവത്തില് പങ്കാളികളായി. ഇതരമത്സരങ്ങളിൽ നിന്നും വ്യത്യസ്തമായി പത്രപാരായണത്തിനും പഠനാനുബന്ധ പ്രവർത്തനങ്ങൾക്കും ഊന്നൽ നല്കുന്ന അറിവുത്സവത്തിലെ ഈ വർഷത്തെ ചോദ്യങ്ങൾ വിജ്ഞാനപ്രദവും രസകരവുമായിരുന്നുവെന്ന് കുട്ടികൾ പ്രതികരിച്ചു.
ഉപജില്ലാ മത്സരങ്ങൾ ഒക്ടോബർ 11നും ജില്ലാതല മത്സരങ്ങൾ 18നും നടക്കും. സംസ്ഥാനതല മത്സരം നവംബർ 16ന് എറണാകുളം ഇടപ്പള്ളി ഗവ. ഹയർ സെക്കൻഡറി സ്കൂളിൽ വച്ച് നടക്കും.
വിദ്യാലയങ്ങളില് അറിവിന്റെ ആവേശോത്സവം; ജനയുഗം സഹപാഠി-എകെഎസ്ടിയു അറിവുത്സവത്തിന് തുടക്കമായി
