പ്രശസ്ത സംഗീത സംവിധായകൻ എൻ പി പ്രഭാകരൻ അന്തരിച്ചു. കോഴിക്കോട് ആകാശവാണിയിൽ ഒരു റിക്കോഡിങ് കഴിഞ്ഞ് തിരിച്ച് തിരുവനനന്തപുരത്തേക്ക് ട്രെയിനില്‍ പോരുന്നതിനിടെ തൃശൂരിനടുത്തുവച്ച് നെഞ്ചുവേദന അനുഭവപ്പെട്ടു. ഉടന്‍ റയിൽവെ ഉദ്യോഗസ്ഥർ തൃശൂര്‍ മെഡിക്കല്‍ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റുമോര്‍ട്ടത്തിനുശേഷം ഭൗതികശരീരം കോട്ടയത്തെ തറവാട്ടുവീട്ടിലേക്ക് കൊണ്ടുപോകുമെന്ന് ബന്ധുക്കള്‍ അറിയിച്ചു.
കാലിക്കറ്റ് യൂണിവേഴ്സിറ്റിയിലായിരുന്നു ജോലി. സർവീസ് സംഘടനാ രംഗത്തും രാഷ്ട്രീയത്തിലും സാംസ്കാരിക രംഗത്തും ശ്രദ്ധേയമായ പ്രവർത്തനമാണ് നടത്തിയിരുന്നത്. യുവകലാസാഹിതിയുടെ നേതൃനിരയിലും സജീവമായിരുന്നു. വാക്കുകളുടെയും വരികളുടെയും ആത്മാവറിഞ്ഞുള്ള സംഗീതമായിരുന്നു അദ്ദേഹത്തിന്റേത്. പൂന്നിലാവ്, അളകനന്ദ, ആനപ്പാറ അച്ചാമ, ഇവള്‍ ദ്രൗപതി, അനുയാത്ര, സുഖവാസം തുടങ്ങി നിരവധി സിനിമകളിലെ ഗാനങ്ങള്‍ക്ക് സംഗീതം നല്‍കിയിട്ടുണ്ട്.
English Sammury: Music director NP Prabhakaran passed away
