രാജ്യത്തെ കോവിഡ് രോഗികള്‍ കുറയുന്നു. കോവിഡ് രോഗികളുടെ ആഴ്ചതോറുമുള്ള ശരാശരി 34,965ല്‍ എത്തി. കഴിഞ്ഞ അഞ്ചു മാസത്തിനിടെയുള്ള ഏറ്റവും കുറവ് ദേശീയ ശരാശരിയാണിത്. കഴിഞ്ഞ അഞ്ചു മാസത്തിനിടെ ഇത് ആദ്യമായാണ് ആഴ്ചതോറുമുള്ള ശരാശരി 35000 ല്‍ താഴെ എത്തുന്നത്. ആഗസ്റ്റ് മാസത്തിന്റെ തുടക്കത്തില്‍ ഇത് 40000നും മുകളില്‍ ആയിരുന്നു.
കഴിഞ്ഞ 24 മണിക്കൂറില്‍ ഇന്ത്യയില്‍ പുതുതായി 36,500 കോവിഡ് രോഗികളെ രജിസ്റ്റര്‍ ചെയ്തു. ഒരാഴ്ച മുമ്പ് ഇത് 41649 ആയിരുന്നു. കോവിഡ് രോഗികള്‍ ഇന്ത്യയില്‍ കുറയുന്നതായി കേന്ദ്ര ആരോഗ്യവകുപ്പ് പത്രകുറിപ്പില്‍ പറഞ്ഞു. രാജ്യത്തെ രോഗികളുടെ 21427 പേരും കേരളത്തില്‍ നിന്നുമാണ്. ഇത് ഇന്ത്യയിലെ കോവിഡ് രോഗികളുടെ 59 ശതമാനം വരും.
സംസ്ഥാനത്തെ ടെസ്റ്റ് പോസിറ്റിവിറ്റിയും രാജ്യത്തെ ശരാശരിയെക്കാളും മുകളിലാണ്. തുടര്‍ച്ചയായ രണ്ടാം ദിവസവും കേരളത്തില്‍ ടി പി ആ‌ര്‍ 15 ശതമാനത്തിനു മുകളില്‍ രേഖപ്പെടുത്തി. 5132 കേസുകളുമായി മഹാരാഷ്ട്രയാണ് ഏറ്റവും കൂടുതല്‍ രോഗികളുള്ള സംസ്ഥാനങ്ങളില്‍ രണ്ടാമത്. കഴിഞ്ഞ 24 മണിക്കൂറില്‍ രാജ്യത്ത് 524 പേര്‍ കോവിഡ് കാരണം മരിച്ചു. 179 മരണങ്ങളുമായി കേരളവും 158 മരണങ്ങളുമായി മഹാരാഷ്ട്രയുമാണ് ഇവിടെയും മുന്നില്‍ നില്‍ക്കുന്നത്.
English Summary : National covid statistics 19082021
You may also like this video :
