രാജ്യത്ത് കഴിഞ്ഞ 24 മണിക്കൂറിനിടെ 30,773 പുതിയ കേസുകളും 309 മരണവും റിപ്പോര്ട്ട് ചെയ്തു. 3,32,158 ആക്ടീവ് കേസുകളാണ് നിലവില് രാജ്യത്തുള്ളത്.
ഞായറാഴ്ച അവസാനിച്ച ആഴ്ചയില് പുതിയ കോവിഡ് കേസുകളുടെ എണ്ണത്തില് 15 ശതമാനം കുറവാണ് രേഖപ്പെടുത്തിയത്. ആഴ്ചയിലെ പോസിറ്റിവിറ്റി നിരക്ക് 2.04 ശതമാനത്തില് തുടരുകയാണ്. കഴിഞ്ഞ 84 ദിവസമായി മൂന്നില് താഴെയാണ് പോസിറ്റിവിറ്റി നിരക്ക്. 97.68 ശതമാനമാണ് നിലവില് രാജ്യത്തെ രോഗമുക്തി നിരക്ക്. തുടര്ച്ചയായ 84 ദിവസങ്ങളായി 50,000‑ല് താഴെയാണ് രാജ്യത്ത് പ്രതിദിനം റിപ്പോര്ട്ടു ചെയ്യപ്പെടുന്ന പുതിയ രോഗികള്.
അതിനിടെ, ഡല്ഹിയില് ഞായറാഴ്ച ഒരു കോവിഡ് മരണം പോലും റിപ്പോര്ട്ടു ചെയ്തിട്ടില്ല. വെള്ളി, ശനി ദിവസങ്ങളില് ഡല്ഹിയില് ഓരോരുത്തര് വീതമാണ് കോവിഡ് ബാധിച്ച് മരിച്ചത്. കഴിഞ്ഞ 24 മണിക്കൂറിനിടെ ഡല്ഹിയില് 28 പുതിയ കോവിഡ് കേസുകളാണ് റിപ്പോര്ട്ടു ചെയ്യപ്പെട്ടത്.
English Summary : national covid statistics 20092021