യുഡിഎഫുമായി ചർച്ചകൾ നടന്നത് അഭ്യൂഹം മാത്രമെന്നും കേരള കോൺഗ്രസ് എൽഡിഎഫിൽ തുടരുമെന്നും ചെയർമാൻ ജോസ് കെ മാണി. ദുബായിലുള്ള ആശുപത്രിയിൽ കഴിയുന്ന സുഹൃത്തിനെ കാണാൻ കുടുംബത്തോടൊപ്പം ദുബായിൽ പോയി. അതിനാലാണ് എൽഡിഎഫ് പരിപാടിയിൽ പങ്കെടുക്കാഞ്ഞത്. പാർട്ടിയുടെ മുഴുവൻ എംഎൽഎമാരും പരിപാടിയിൽ പങ്കെടുത്തു. എൽഡിഎഫ് മേഖലാ ജാഥ താൻ നയിക്കും
സഭാ നേതൃത്വം രാഷ്ട്രീയ വിഷയത്തിൽ ഇടപെട്ടിട്ടില്ല. ലോക്സഭാ ഇലക്ഷനിൽ 110 നിയമസഭാ മണ്ഡലങ്ങളിൽ യുഡിഎഫിന് ഉണ്ടായിരുന്ന ലീഡ് തദ്ദേശ ഇലക്ഷനിൽ 80 സീറ്റിൽ താഴെയായി കുറഞ്ഞു. പാർട്ടി യുഡിഎഫുമായി ചർച്ച നടത്തേണ്ട യാതൊരു സാഹചര്യവും നിലവിലില്ല. പാർട്ടിയുടെ 5 എംഎൽഎമാരും ഉറച്ചുനിൽക്കും. പല യുഡിഎഫ് നേതാക്കന്മാരും വിളിക്കാറുണ്ട്. എന്നാൽ നിലപാടിൽ മാറ്റമില്ലെന്നും അദ്ദേഹം പറഞ്ഞു.