നവകേരള സദസുമായി ബന്ധപ്പെട്ട അപേക്ഷകൾ യുദ്ധകാലാടിസ്ഥാനത്തിൽ തീർപ്പാക്കാന്‍ നിയോജകമണ്ഡലം അടിസ്ഥാനത്തിൽ നോഡൽ ഓഫിസർമാരെ നിയമിക്കുമെന്ന് റവന്യു മന്ത്രി കെ രാജൻ. സദസില്‍ ലഭിച്ച അപേക്ഷകൾ തീർപ്പാക്കുന്നതിനായി സമഗ്രമായ രൂപരേഖ റവന്യു വകുപ്പ് തയ്യാറാക്കും. ഇന്ന് ചേരുന്ന റവന്യു സെക്രട്ടേറിയറ്റിൽ ലാൻഡ് കമ്മിഷണർ രൂപരേഖ അവതരിപ്പിക്കും.
1,10,000 അപേക്ഷകളാണ് റവന്യു വകുപ്പുമായി ബന്ധപ്പെട്ട് ലഭിച്ചിട്ടുള്ളത്. കൂടുതൽ അപേക്ഷകൾ മുഖ്യമന്ത്രിയുടെ ദുരിതാശ്വാസ നിധിയുമായി ബന്ധപ്പെട്ടാണ്. പട്ടയം, സർവേ, ഭൂമി തരംമാറ്റം, ഭൂനികുതി അടയ്ക്കുന്നതുമായി ബന്ധപ്പെട്ടുള്ള പരാതികള്‍ എന്നിവയും വന്നിട്ടുണ്ട്. അപേക്ഷകൾ തീർപ്പാക്കുന്നതിന് വേണ്ടി മുൻഗണന അടിസ്ഥാനത്തിൽ അപേക്ഷകൾ വേർതിരിക്കും. കൂടുതൽ കാര്യങ്ങൾ ഇന്ന് ചേരുന്ന റവന്യു സെക്രട്ടേറിയറ്റ് തീരുമാനിക്കും.
English Summary;New Kerala Constituency Applications; Nodal Officers to be appointed: K Rajan
You may also like this video
