പിഎം ശ്രീ വിവാദത്തിൽ സർക്കാർ ഒപ്പുവെച്ച ധാരണയിലെ വ്യവസ്ഥകൾ പരിശോധിക്കുമെന്നും സിപിഐ ഉയർത്തിയ വിഷയങ്ങളും എൽഡിഎഫ് ചർച്ച ചെയ്യുമെന്നും കൺവീനർ ടി പി രാമകൃഷ്ണൻ. പിഎം ശ്രീ പദ്ധതി വഴി ദേശീയ വിദ്യാഭ്യാസ നയം കടന്നു വരുന്നുണ്ടോ എന്നും പരിശോധിക്കും.
എല്ലാ പാർട്ടികളുടെയും അഭിപ്രായം ആരായുമെന്നും പ്രശ്നം പരിഹരിക്കാൻ കഴിയുമെന്നും അദ്ദേഹം പറഞ്ഞു. സിപിഐ മുന്നണിയിലെ പ്രധാനികളാണ്. അവര് അവരുടെ അഭിപ്രായം പറഞ്ഞു. അത് കേള്ക്കുമെന്നും അദ്ദേഹം പറഞ്ഞു. അഭിപ്രായവ്യത്യാസങ്ങള് സ്വാഭാവികമാണ്. എന്നാല് മുന്നണിയില് അനൈക്യം ഇല്ല. ഇടതുമുന്നണി യോഗം ചേരുന്ന തീയതി തീരുമാനിച്ചിട്ടില്ലെന്നും അദ്ദേഹം കൂട്ടിച്ചേർത്തു.