നടന് ഷൈന് ടോം ചാക്കോ അറസ്റ്റില്. ലഹരി ഉപയോഗം, ഗൂഢാലോചന അടക്കമുള്ള ജാമ്യമില്ലാ വകുപ്പുകള് ചുമത്തിയാണ് കേസെടുത്തത്. എൻ ഡി പി എസ് ആക്ടിലെ വകുപ്പ് 27, 29 പ്രകാരമാണ് കേസെടുത്തത്. 10 മുതല് 20 വര്ഷം വരെ തടവുകള് ലഭിക്കാവുന്നതാണ് കുറ്റം. ഉടൻ ഷൈന്റെ വൈദ്യ പരിശോധന നടത്തും.
നഗരത്തിലെ പ്രധാന ഡ്രഗ് ഡീലറായ സജീറിനെ പരിചയമുണ്ടെന്ന് ഷൈൻ ചോദ്യം ചെയ്യലില് സമ്മതിച്ചു. സജീറിനെ അന്വേഷിച്ചാണ് കഴിഞ്ഞ ദിവസം പൊലീസ് സംഘം ഷൈൻ താമസിച്ചിരുന്ന ഹോട്ടലിൽ എത്തിയത്. സജീറുമായി 20000 രൂപയുടെ ഇടപാട് ഷൈൻ നടത്തിയതായും പൊലീസിന് സൂചന ലഭിച്ചിട്ടുണ്ട്.