വേതനകുടിശിക ഓര്‍മ്മിപ്പിച്ച യുവാവിന്റെ നടുവൊടിക്കുമെന്ന് ബിജെപി മന്ത്രി, വീഡിയോ

മധ്യപ്രദേശിലെ ഖണ്ട്വ ജില്ലയിൽ നടന്ന പരിപാടിയ്ക്കിടെ ചെയ്ത ജോലിക്ക് കൂലി കിട്ടുന്നില്ലെന്ന് പരാതിപ്പെട്ട യുവാവിനോട് പൊട്ടിത്തെറിച്ച് വനം മന്ത്രി വിജയ് ഷാ. അങ്കണവാടി ജീവനക്കാരിയായ തന്റെ ഭാര്യയ്ക്ക് കഴിഞ്ഞ ആറു മാസങ്ങളായി ശമ്പളം ലഭിക്കുന്നില്ലെന്നായിരുന്നു യുവാവിന്റെ പരാതി. മന്ത്രിയോട് പരാതി പറഞ്ഞതോടെ കോൺഗ്രസ് പറഞ്ഞുവിട്ടയാളാണെന്നും ഇയാൾ മദ്യപിച്ചിട്ടുണ്ടെന്നും മന്ത്രി ആരോപിച്ചു.

സംഭവത്തിന്റെ വീഡിയോ സമൂഹമാധ്യമങ്ങളിലും വ്യാപകമായി പ്രചരിക്കുന്നുണ്ട്. ഒരു പൊതുപരിപാടിയ്ക്കിടെയാണ് സംഭവം. യുവാവിനോട് ദേഷ്യപ്പെട്ട മന്ത്രി വികസനപാതയിലാണ് മധ്യപ്രദേശ് എന്നും അതിനു തടസം നിൽക്കുന്നവരെ വച്ചുപൊറുപ്പിക്കില്ലെന്നും പറഞ്ഞു. ഇതൊരു സർക്കാർ പരിപാടിയാണെന്നും പ്രശ്നമുണ്ടാക്കിയാൽ പൊലീസിനെ വിട്ട് നടുവൊടിക്കുമെന്നും മന്ത്രി യുവാവിനെ ഭീഷണിപ്പെടുത്തുകയും ചെയ്തു.

Eng­lish Sum­ma­ry: The BJP min­is­ter said that the young man who remind­ed him of the wage house will be cut off

You may also like this video