പാലക്കാട് നിയമസഭാ മണ്ഡലത്തിൽ മരിച്ചവരും വോട്ടർ പട്ടികയിൽ. നിരവധി ബൂത്തുകളിൽ തിരിച്ചറിയാൻ കഴിയാത്ത നിരവധി വോട്ടർമാരുണ്ട്, പാലക്കാട് ജില്ലയിലെ മറ്റ് നിയമസഭ മണ്ഡലങ്ങളിൽ വോട്ടുള്ള പലർക്കും പാലക്കാട് മണ്ഡലത്തിലും വോട്ടുണ്ട്. മണ്ഡലത്തിലെ പല പ്രദേശങ്ങളിലും കോൺഗ്രസും ബിജെപിയും വ്യാജവോട്ടുകൾ ചേർത്തതിന് തെളിവുണ്ടെന്ന് സിപിഐ(എം) പാലക്കാട് ജില്ലാ സെക്രട്ടറി ഇ എൻ സുരേഷ് ബാബു പറഞ്ഞു.
യുഡിഎഫ് സ്ഥാനാര്‍ത്ഥി രാഹുൽ മാങ്കൂട്ടത്തിൽ വ്യാജ ഐഡി കാർഡ് നിർമിച്ച് പരിചയമുള്ളയാളായതിനാൽ ഇതിൽ പുതുമയില്ല. മരിച്ചു പോയവർ പോലും പാലക്കാട്ടെ ഉപതെരഞ്ഞെടുപ്പിൽ വോട്ട് ചെയ്താൽ ആശ്ചര്യപ്പെടേണ്ടതില്ലെന്നും സുരേഷ് ബാബു പറഞ്ഞു. ഇത് സംബന്ധിച്ച് കളക്ടർക്ക് പരാതി നൽകിയിട്ടുണ്ടെന്നും സുരേഷ് ബാബു പറഞ്ഞു.