ജാതിക്ക, ജാതിപത്രി സീസണ്‍ ആരംഭിച്ചതോടെ വില ജാതിക്കയുടെ വില കുത്തനെ ഇടിഞ്ഞത് കർഷകരുടെ പ്രതീക്ഷയ്ക്ക് അപ്രതിക്ഷ തിരിച്ചടി. കഴിഞ്ഞ മൂന്നാഴ്ചയ്ക്കിടയില്‍ ജാതിക്കയുടെ വില കിലോഗ്രാമിന് 75 രൂപ വരെയാണ് കുറഞ്ഞത്.
ജാതിക്കാ പരിപ്പിന് 300 മുതൽ 325 രൂപ വരെയും ജാതി പത്രിക്ക് 1800 മുതൽ1900 രുപ വരെയുമാണ് ഇപ്പോൾ ലഭിക്കുന്നത് . കഴിഞ്ഞ വർഷത്തേ അപേക്ഷിച്ച് ഇത്തവണ ചുവന്ന ജാതിപത്രിക്ക് കിലോഗ്രാമിന് 400 രൂപ വരെ കുറഞ്ഞിരിക്കുന്നത്. വടക്കേ ഇന്ത്യയില്‍ ജാതിക്കയുടെ ഡിമാന്‍ഡ് കുറഞ്ഞതായാണ് വ്യാപാരികൾ പറയുന്നത്. ഡല്‍ഹി, മുംബൈ, കൊല്‍ക്കത്ത എന്നിവിടങ്ങളിലേക്കാണ് കേരളത്തില്‍ നിന്ന് ജാതിക്ക പോകുന്നത്. മെയ്, ജൂണ്‍, ജൂലായ് മാസങ്ങളിലാണ് സംസ്ഥാനത്ത് ജാതിക്ക ഉത്പാദനത്തിന്റെ സീസണ്‍. ഇക്കുറി സീസണ്‍ തുടങ്ങിയേപ്പാള്‍ തന്നെ വില കുത്തനെ ഇടിഞ്ഞത് കര്‍ഷകരില്‍ ആശങ്കയുണ്ടാക്കിയിരുന്നു. െഹെറേഞ്ചില്‍ നിന്ന് കൂടുതല്‍ ചരക്ക് വിപണിയില്‍ എത്തുന്നുണ്ട്.
English summary;The sharp fall in the price of nutmeg is a blow to the hopes of the farmers
you may also like this video;
