സ്കൂൾ വിദ്യാർത്ഥികൾക്ക് മദ്യം നൽകി . ഇരുമ്പുപാലം സ്വദേശികളായ രണ്ട് പേരെ പോലീസും എക്സൈസും ചേർന്ന് പിടികൂടി. ഇരുമ്പുപാലം ഒഴുവത്തടം സ്വദേശി കക്കാട്ടിൽ അശ്വിൻ (24) ഇരുമ്പുപാലം അറക്കക്കുടി വർഗ്ഗീസ് (ജോജു ) (41 ) എന്നിവരെയാണ് പിടികൂടിയത്.പത്താം മൈൽ സ്കൂളിലാണ് കേസിനാസ്പദമായ സംഭവം.
യുവജനോത്സവത്തിനിടെ മദ്യപിച്ചെത്തിയ കുട്ടികളെ അധ്യാപകരും രക്ഷിതാക്കണം കാണുവാനിടയായി. അന്വേഷണത്തിൽ വിദ്യാർത്ഥികൾക്ക് മദ്യം നൽകിയത് അശ്വിനാണെന്നും മദ്യം വാങ്ങി എത്തിച്ചത് ജോജുവാണെന്നും തെളിഞ്ഞതിനെ തുടർന്ന് അധ്യാപകരുടെയും രക്ഷിതാക്കളുടെയും പരാതിയിൽ കേസെടുക്കുകയായിരുന്നു. തുടര്‍ന്നാണ് പ്രതികളെ പൊലീസും എക്സൈസും ചേർന്ന് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാന്റ് ചെയ്തു.
English Summary: Two arrested for giving alcohol to school students
You may also like this video
