സ്കൂള്‍ ഹോസ്റ്റലില്‍ പതിനാലുകാരനെ പ്രകൃതിവിരുദ്ധ പീഡനത്തിനിരയാക്കിയ ആര്‍എസ്എസ്-ബാലഗോകുലം പ്രവര്‍ത്തകന്‍ റിമാന്‍ഡിലയി. കോട്ടയം പള്ളിക്കത്തോട് അരവിന്ദാ സ്കൂൾ ഹോസ്റ്റലിൽ പ്രകൃതി വിരുദ്ധ പീഡനം നടത്തിയ വാര്‍ഡന്‍ കൂടിയായ പൊൻകുന്നം ചെറുവള്ളി സ്വദേശി വിഷ്ണു(30)വിനെയാണ് കോടതി റിമാന്‍ഡ് ചെയ്തത്.
ആലപ്പുഴ സ്വദേശിയായ പതിനാലുകാരനെയാണ് ആര്‍എസ്എസ് നേതാവ് പീഡനത്തിനിരയാക്കിയത്. ചൈൽഡ് ലൈൻ റിപ്പോർട്ടിന്റെ അടിസ്ഥാനത്തില്‍ പള്ളിക്കത്തോട് പൊലീസ് കേസെടുത്ത് അറസ്റ്റുചെയ്യുകയായിരുന്നു.
ആറുമാസത്തോളമായി തുടരുന്ന പീഡന വിവരമാണ് ഇപ്പോൾ പുറത്തുവന്നിരിക്കുന്നത്. കുട്ടി വിദേശത്തായിരുന്ന മാതാപിതാക്കളെ വിവരമറിയിക്കുകയായിരുന്നു. മാതാപിതാക്കൾ കുട്ടിയുടെ പരാതി ചൈൽഡ് ലൈന് ഓൺലൈനായി നൽകി. പരാതി അന്വേഷിച്ച ചൈൽഡ് ലൈന് അധൃകൃതര്‍ റിപ്പോർട്ട് പള്ളിക്കത്തോട് പൊലീസിന് കൈമാറി. തുടർന്നാണ് പൊലീസ് കേസെടുത്ത് പ്രതിയെ അറസ്റ്റുചെയ്തതത്.
English Sammury: RSS-Balagokulam activist who subjected fourteen-year-old boy to unnatural torture remanded
