എറണാകുളത്ത് റോഡ് മുറിച്ചുകടക്കുന്നതിനിടെ ബസ് കയറിയിറങ്ങി സ്ത്രീ മരിച്ചു. ലിസി ജങ്ഷനില്‍ വച്ച് ഇന്ന് 9 മണിയോടെയായിരുന്നു അപകടം. കളമശേരി സ്വദേശി ലക്ഷ്മിയാണ് മരിച്ചത്. ബസ് ഡ്രൈവറെ കസ്റ്റഡിയിലെടുക്കുമെന്ന് പൊലീസ് പറഞ്ഞു.
റോഡ് മുറിച്ചുകടക്കുകയായിരുന്ന ലക്ഷ്മി നിർത്തിയിട്ടിരുന്ന ബസിന് മുന്നിലെത്തുകയായിരുന്നു. ഈ സമയം ബസ് മുന്നോട്ടെടുക്കുകയും ലക്ഷ്മി ബസിനടിയിൽപെടുകയുമായിരുന്നു. സംഭവസ്ഥലത്ത് വച്ച് തന്നെ ലക്ഷ്മി മരിച്ചിരുന്നു. അപകടത്തിന്റെ സിസിടിവി ദൃശ്യങ്ങളും പുറത്ത് വന്നിട്ടുണ്ട്.