ബിജെപിയെ അടുപ്പിക്കാത്ത കേരളം പ്രചോദനമാണെന്ന് സിപിഐ (എംഎല്‍ ‑ലിബറേഷന്‍ ) ജനറല്‍ സെക്രട്ടറി ദീപാശങ്കര്‍ ഭട്ടാചാര്യ അഭിപ്രയപ്പെട്ടു. ഒരു മാധ്യമത്തിന്റെ പ്രതിനിധിക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു ബീഹാറില്‍ നിര്‍ണ്ണായക സ്വാധീനമുള്ള ഇടതുപക്ഷത്തിന്റെ പ്രധാന നേതാക്കളില്‍ ഒരാളായ ദീപാശങ്കര്‍ ഭട്ടാചാര്യ.
കേരളവും തമിഴ്‌നാടും നോക്കുമ്പോള്‍ ഞാന്‍ കാണുന്ന ഒരേയൊരു നല്ല കാര്യം ബിജെപിയെ വളര്‍ത്താത്തതാണ്. ബിജെപിക്ക് ഉത്തരേന്ത്യയിലേതുപോലെ അവരുടെ അജന്‍ഡ നടപ്പാക്കാന്‍ കേരളത്തില്‍ സാധിക്കുന്നില്ല. ബിജെപി അവിടെ വിജയിക്കില്ല. രാജ്യം മുഴുവനും ഇക്കാര്യത്തില്‍ കേരളത്തില്‍നിന്ന് പ്രചോദനം ഉള്‍ക്കൊള്ളണം. സാമൂഹിക നീതി, കമ്യൂണിസ്റ്റ് പ്രസ്ഥാനങ്ങള്‍, ദേശീയ പ്രസ്ഥാനങ്ങള്‍ എന്നിവയുടെ വളര്‍ച്ചയിലും കേരളം മാതൃകയാണെന്നും അദ്ദേഹം പറഞ്ഞു.
English Summary:
Deepashankar Bhattacharya says that Kerala, which did not nurture BJP, is always an inspiration
You may also like this video:
