ശബരിമലയിലെ സ്വർണകൊള്ള വിഷയത്തിൽ സർക്കാർ അന്വേഷണം ശരിയായ ദിശയിലാണെന്ന് എൻഎസ്എസ് ജനറൽ സെക്രട്ടറി ജി സുകുമാരൻ നായർ. സമദൂര നിലപാട് നിയമസഭാ തെരഞ്ഞെടുപ്പിലും എൻഎസ്എസ് തുടരും. ശബരിമലയിൽ സർക്കാരിന് നൽകിയ പിന്തുണ, സമദൂരത്തിലെ
ശരിദൂരമാണ്. എൻഎസ്എസിന് ഒരു രാഷ്ട്രീയത്തോടും വെറുപ്പില്ലെന്നും അദ്ദേഹം കൂട്ടിച്ചേർത്തു.
ചങ്ങനാശ്ശേരി പെരുന്നയിലെ മന്നം ജയന്തി ആഘോഷങ്ങൾക്കിടെയാണ് സുകുമാരൻ നായർ സമുദായ നിലപാട് പരസ്യമായി പ്രഖ്യാപിച്ചത്. ശബരിമല സ്വർണക്കൊള്ളയെ കുറിച്ച് പറയേണ്ടതെല്ലാം പറഞ്ഞുകഴിഞ്ഞെന്നും ഇനി അതിനെ കുറിച്ച് സംസാരിക്കാനില്ലെന്നും മാധ്യമപ്രവർത്തകരുടെ ചോദ്യത്തിനുള്ള ഉത്തരമായി അദ്ദേഹം പറഞ്ഞു.