കൊച്ചി കളമശ്ശേരി കണ്‍വെന്‍ഷന്‍ സെന്ററിലുണ്ടായ ബോംബ് സ്ഫോടനത്തില്‍ പഴുതടച്ചുള്ള അന്വേഷണത്തിനാണ് ലക്ഷ്യം വയ്ക്കുന്നതെന്ന് മന്ത്രി കെ രാജന്‍. സംഭവ സ്ഥലം സന്ദര്‍ശിച്ച ശേഷം മാധ്യമപ്രവര്‍ത്തകരോട് പ്രതികരിക്കുകയായിരുന്നു മന്ത്രി. വന്‍ അപകടമുണ്ടായാല്‍ നേരിടുന്നതിനുള്ള എല്ലാ നടപടികളും സര്‍ക്കാരും പൊലീസും കൈക്കൊണ്ടിട്ടുണ്ടെന്ന് മന്ത്രി പറഞ്ഞു.
ഇത്തരം സംഭവങ്ങളില്‍ കൊടുക്കാവുന്ന ജാഗ്രതയെക്കാള്‍ ഉയര്‍ന്ന നിലവാരത്തിലുള്ള ജാഗ്രത നല്‍കുന്നുണ്ട്. പരിക്കേറ്റവര്‍ക്ക് മികച്ച ചികിത്സ ലഭിക്കുന്നതിനുള്ള സംവിധാനങ്ങള്‍ ഏര്‍പ്പെടുത്തി. നിലവില്‍ ലഭ്യമായ ചികിത്സയില്‍ സംതൃപ്തരാണെന്ന് ചികിത്സയിലുള്ളവര്‍ അറിയിച്ചു. സംഭവത്തില്‍ സമഗ്ര അന്വേഷണം, പഴുതടച്ച അന്വേഷണം തന്നെയാണ് സര്‍ക്കാര്‍ ലക്ഷ്യം വയ്ക്കുന്നതെന്നും മന്ത്രി പറഞ്ഞു.
English Summary: kalamassery bomb blast; minister comments
You may also like this video
