സംസ്ഥാന സർക്കാറിന്റെ ആരോഗ്യം ആനന്ദം അകറ്റാം അർബുദം എന്ന ബൃഹത്തായ കാൻസർ പ്രതിരോധ ജനകീയ ക്യാമ്പയിന്റെ ഭാഗമായി ആരോഗ്യ വകപ്പ് മലപ്പുറം സിവിൽ സ്റ്റേഷനിലെ വനിത ജീവനക്കാർക്ക് സ്തനാർബുദ, ഗർഭാശയ ഗളാർബുദ, വദനാർബുധ ബോധവൽക്കരണവും പരിശോധനാ ക്യാമ്പും നടത്തി. അർബുദം പരമാവധി നേരത്തെ കണ്ടെത്തി ചികിത്സ നൽക്കുകയും അതുവഴി മരണനിരക്ക് കുറയ്ക്കയുമാണ് ഇതിന്റെ മുഖ്യ ലക്ഷ്യം. ആരോഗ്യ വകുപ്പും, ആരോഗ്യ കേരളവും ചട്ടിപ്പറമ്പ് എഡ്യൂകെയർ ഇൻസ്റ്റിറ്റ്യൂട്ട് ഓഫ് ഡെന്റൽ സയൻസിന്റെ സഹകരണത്തോടെയാണ് ക്യാമ്പ് സംഘടിപ്പിച്ചത്. മലപ്പുറം കലക്ടറേറ്റ് കോൺഫ്രൻസ് ഹാളിൽ നടന്ന പരിപാടി ഡെപ്യൂട്ടി കലക്ടർ പി എം സനീറ ഉദ്ഘാടനം ചെയ്തു. ജില്ലാ മെഡിക്കൽ ഓഫീസർ ഡോ. ആർ രേണുക അധ്യക്ഷത വഹിച്ചു. ആരോഗ്യ കേരളം ജില്ലാ പ്രോഗ്രാം മാനേജർ ഡോ. ടി എൻ അനൂപ് പരിപാടി വിശദീകരിച്ചു. ആർദ്രം നോഡൽ ഓഫീസർ ബോധവൽക്കരണ ക്ലാസ് നയിച്ചു. എൻസിഡി ജില്ലാ നോഡൽ ഓഫീസർ ഡോ. വി ഫിറോസ് ഖാൻ, ജില്ലാ എഡ്യൂക്കേഷൻ മീഡിയ ഓഫീസർ കെ പി സാദ്ദിഖ് അലി, ടെക്നിക്കൽ അസിസ്റ്റന്റ് ഷാഹുൽ ഹമീദ് എന്നിവർ സംസാരിച്ചു. ക്യാമ്പിന് ബ്ലോക്ക് മെഡിക്കൽ ഓഫീസർ ഡോ. ബിന്ദു, ഡോ. പി ഹസ്ന തുടങ്ങിയവർ നേതൃത്വം നൽകി. 177 പേർ ക്യാമ്പിൽ പങ്കെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.