സിപിഐ ജനറൽ സെക്രട്ടറി ഡി രാജ ഡിസംബർ 20ന് ഷാർജ സന്ദർശിക്കും. ഷാർജ യുവകലാസാഹിതി സംഘടിപ്പിക്കുന്ന പന്ത്രണ്ടാമത് യുവകലാസന്ധ്യ ‘ഋതുഭേദങ്ങൾ’ അദ്ദേഹം ഉദ്ഘാടനം ചെയ്യും. ഡിസംബർ 21ന് വൈകുന്നേരം 5.30 മുതലാണ് നബാനി റിയൽഎസ്റ്റേറ്റ് ഡവലപ്മെന്റ് എൽ എൽ സി അവതരിപ്പിക്കുന്ന എമിറേറ്റ്സ് എൻൻബിഡി യുവകലാസന്ധ്യ ‘ഋതുഭേതങ്ങൾ’ ഷാർജ ഇന്ത്യൻ അസോസിയേഷന്റെ കമ്മ്യൂണിറ്റി ഹാളിൽ ആണ് അരങ്ങേറുന്നത്.
മുഹമ്മദ് മുഹ്സിൻ എംഎൽഎ മുഖ്യാതിഥിയായി പങ്കെടുക്കും. സൗത്ത് ഇന്ത്യയിലെ പ്രശസ്ത ഗായകൻ ശ്രീനിവാസ്, ശരണ്യ ശ്രീനിവാസ്, ഗ്രീഷ്മ കണ്ണൻ, ഡോ. ഹിതേഷ് കൃഷ്ണ, റിനി തുടങ്ങിയവർ നേതൃത്വം നൽകുന്ന ഗാനസന്ധ്യയും, വനിതാ കലാസാഹിതി ഷാർജ അവതരിപ്പിക്കുന്ന സംഘനൃത്തവും, പി കെ മേദിനി ഗായകസംഘം അവതരിപ്പിക്കുന്ന നാടൻ പാട്ടുകളും യുവകലാസന്ധ്യയുടെ ഭാഗമായി അരങ്ങേറും. പ്രവേശനം പാസ് മൂലം നിയന്ത്രിച്ചിട്ടുണ്ട്. സൗജന്യ പാസ്സുകൾക്കായി യുവകലാസാഹിതി ഷാർജയുടെ ഭാരവാഹികളെ ബന്ധപ്പെടാവുന്നതാണ്. നമ്പർ — 055 868 0919,052 894 6667
055 508 1844,050 787 8685.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.