മികച്ച റൂറല് റിപ്പോര്ട്ടിങ്ങിന് കണ്ണൂര് പ്രസ്ക്ലബ് ഏര്പ്പെടുത്തിയ 2024 ലെ പാമ്പന് മാധവന് സ്മാരക പത്രപ്രവര്ത്തക അവാര്ഡ് ജനയുഗം ഇടുക്കി ബ്യൂറോ ചീഫ് ആര് സാംബന്. ‘എങ്ങനെ കെട്ടു നക്ഷത്രവെളിച്ചം’ എന്ന ശീര്ഷകത്തില് 2024 നവംബര് 15 മുതല് ആറു ദിവസങ്ങളിലായി ജനയുഗം പ്രസിദ്ധീകരിച്ച പരമ്പരയ്ക്കാണ് അവാര്ഡ്. 10,000 രൂപയും ഫലകവും പ്രശസ്തിപത്രവും അടങ്ങുന്ന അവാര്ഡ് പിന്നീട് സമ്മാനിക്കുമെന്ന് പ്രസ് ക്ലബ് പ്രസിഡന്റ് സി സുനിൽ കുമാർ, സെക്രട്ടറി കബീർ കണ്ണാടിപ്പറമ്പ് എന്നിവർ വാർത്താസമ്മേളനത്തിൽ അറിയിച്ചു.
ദീപിക ഡെപ്യൂട്ടി എഡിറ്റര് എം റോയി, മുതിര്ന്ന മാധ്യമപ്രവര്ത്തകരായ സി പി സുരേന്ദ്രന്, ഇ എം രഞ്ജിത്ത് ബാബു എന്നിവരടങ്ങിയ ജൂറിയാണ് അവാര്ഡ് ജേതാവിനെ തെരഞ്ഞെടുത്തത്. പത്രസമ്മേളനത്തില് ജൂറിയംഗം ഇ എം രഞ്ജിത്ത് ബാബുവും പങ്കെടുത്തു. ജനയുഗം ഇടുക്കി ബ്യൂറോ ചീഫായ ആര് സാംബന് തൊടുപുഴ കോലാനി സ്വദേശിയാണ്. 33 വര്ഷമായി മാധ്യമ പ്രവര്ത്തകന്. പ്രസ് കൗണ്സില് ഓഫ് ഇന്ത്യ ഏര്പ്പെടുത്തിയിട്ടുള്ള ദേശീയ മാധ്യമ പുരസ്കാരത്തിന് രണ്ടു വട്ടം അര്ഹനായി. സരോജിനി നായിഡു പുരസ്കാരം, രാംനാഥ് ഗോയങ്ക അവാര്ഡ്, സ്റ്റേറ്റ്സ്മാന് അവാര്ഡ് ഫോര് റൂറല് റിപ്പോര്ട്ടിങ്ങ് തുടങ്ങി അമ്പതിലേറെ മാധ്യമ പുരസ്കാരങ്ങള് നേടിയിട്ടുണ്ട്. തൊടുപുഴ കോലാനി ഓവൂര് കുടുംബാംഗമാണ്. ഭാര്യ: സേതുമോള്. മക്കള്: സാന്ദ്ര, വൃന്ദ.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.