പുണെയ്ക്കടുത്ത് ബവ്ധനില് ഹെലികോപ്ടര് തകര്ന്നുവീണ് മലയാളി ഉൾപ്പടെ മൂന്ന് മരണം. ഹെലികോപ്റ്ററിന്റെ പൈലറ്റ് കൊല്ലം കുണ്ടറ സ്വദേശി ഗിരീഷ് കുമാർ പിള്ളയാണ് മരിച്ചത്. വ്യോമസേനയിൽ പൈലറ്റ് ആയി വിരമിച്ചയാളാണ് ഗിരീഷ്. ഇന്നുരാവിലെ 6.45-ഓടെയാണ് ഹെലികോപ്ടര് അപകടത്തില്പെട്ടത്. പറന്നുയര്ന്ന ഉടന് തകര്ന്ന് വീഴുകയായിരുന്നു. രണ്ട് പൈലറ്റുമാരും ഒരു എന്ജിനീയറുമായിരുന്നു ഹെലികോപ്ടറില് ഉണ്ടായിരുന്നത്. ഹെലികോപ്ടറില് ഉണ്ടായിരുന്ന മൂന്നാമത്തെയാളും മരിച്ചതായാണ് പ്രാഥമിക വിവരം. കുന്നില് പ്രദേശത്തായാണ് കോപ്ടര് തകര്ന്നുവീണത്. സംഭവസമയത്ത് ഇവിടെ കനത്ത മൂടല്മഞ്ഞ് ഉണ്ടായിരുന്നു. ഇതാവാം ഹെലികോപ്ടര് അപകടത്തില് പെടാന് കാരണം. ഓക്സ്ഫോര്ഡ് ഗോള്ഫ് ക്ലബ്ബിന്റെ ഹെലിപാഡില് നിന്നാണ് കോപ്ടര് പറന്നുയര്ന്നത്. അപകടത്തിനു പിന്നിലെ കാരണം വ്യക്തമല്ല. മൃതദേഹങ്ങൾ പുണെയിലെ സസൂൺ ആശുപത്രി മോർച്ചറിയിൽ.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.