എന്എസ്എസ് സംസ്ഥാന ജനറല് സെക്രട്ടറി ജി സുകുമാരന് നായര്ക്കെതിരെ പത്തനംതിട്ടയില് വീണ്ടും പോസ്റ്റര്. പത്തനംതിട്ട പ്രമാടം പഞ്ചായത്തിന് മുന്നിലാണ് പോസ്റ്റർ പ്രത്യക്ഷപ്പെട്ടത്. ഭക്തരെ പിന്നില് നിന്ന് കുത്തിയിട്ട് പിണറായിയുടെ പാദസേവ ചെയ്ത കട്ടപ്പ എന്ന് സുകുമാരന് നായരെ പരിഹസിച്ചുകൊണ്ടാണ് പോസ്റ്റര്. കഴിഞ്ഞ ദിവസം പത്തനംതിട്ട വെട്ടിപ്പുറം എന്എസ്എസ് കരയോഗം ഓഫീസിന് മുന്നിലും സുകുമാരൻ നായർക്കെതിരെ പോസ്റ്റർ പ്രത്യക്ഷപ്പെട്ടിരുന്നു.
എന്എസ്എസ് ജനറല് സെക്രട്ടറി സമുദായത്തിന് നാണക്കേടാണെന്നും കുടുംബകാര്യത്തിന് വേണ്ടി അയ്യപ്പഭക്തരെ പിന്നില് നിന്ന് കുത്തിയെന്നുമായിരുന്നു പോസ്റ്ററിൽ. ആഗോള അയ്യപ്പ സംഗമത്തിന് പ്രതിനിധിയെ അയച്ച് എന്എസ്എസ് പിന്തുണ നല്കിയിരുന്നു. ഇതിന് പിന്നാലെയാണ് ശബരിമല വിഷയത്തില് എല്ഡിഎഫിനൊപ്പം ആണെന്ന് എന്എസ്എസ് ജനറല് സെക്രട്ടറി പറഞ്ഞത്. എന്നാൽ സുകുമാരൻ നായർക്കെതിരായ നീക്കങ്ങൾക്ക് പിന്നിൽ കോൺഗ്രസ് അനുകൂലികളായ കരയോഗ അംഗങ്ങൾ ആണെന്നാണ് സൂചന.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.