വിഴിഞ്ഞം തുറമുഖ പദ്ധതിയുമായി ബന്ധപ്പെട്ട് നിർമ്മിക്കുന്ന ഭൂഗര്ഭ റെയില്പാതയുടെ ഡിപിആറിന് മന്ത്രിസഭായോഗത്തിന്റെ അനുമതി. വിഴിഞ്ഞം തുറമുഖത്തെ ബാലരാമപുരം റെയില്വേ സ്റ്റേഷനുമായി ബന്ധിപ്പിക്കുന്നതാണ് ഭൂഗര്ഭ റെയില്പാത. കൊങ്കണ് റെയില് കോര്പറേഷൻ ലിമിറ്റഡ് തയാറാക്കിയ വിശദമായ പ്രോജക്ട് റിപ്പോര്ട്ടിൽ 1482.92 കോടി രൂപയുടെ പദ്ധതിക്കാണ് ഭരണാനുമതി നല്കിയത്. 2028 ഡിസംബറിന് മുമ്പ് റെയില് പാത ഗതാഗതയോഗ്യമാക്കുകയാണ് ലക്ഷ്യം.
ടേബിള് ടോപ്പ് രീതിയിൽ വിഴിഞ്ഞം തുറമുഖത്തിന്റെ 150 മീറ്റര് അടുത്തുനിന്നു തന്നെ ഭൂഗര്ഭപാത ആരംഭിക്കും. വിഴിഞ്ഞം കരിമ്പള്ളിക്കര ഭാഗത്തു നിന്നു തുടങ്ങി വിഴിഞ്ഞം-മുക്കോല‑ബാലരാമപുരം റോഡിനു സമാന്തരമായാണ് ഭൂഗര്ഭ പാത കടന്നുപോകുന്നത്. വിഴിഞ്ഞം-ബാലരാമപുരം റോഡിന്റെ അതേ അലൈന്മെന്റില് ഭൂനിരപ്പില്നിന്ന് 30 മീറ്റര് എങ്കിലും താഴ്ചയിലാവും പാത കടന്നുപോവുക. കരിമ്പള്ളിക്കര ഭാഗത്തു വന്നിറങ്ങുന്ന പാത ഇവിടുത്തെ ജനജീവിതത്തെ ബാധിക്കാത്തവിധം തൂണുകള്ക്കു മുകളിലൂടെയാവും തുറമുഖത്തേക്ക് നീളുക.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.