ഹരിയാനയിലെ ചില മണ്ഡലങ്ങളിൽ വോട്ടെണ്ണലിൽ ക്രമക്കേട് നടന്നിട്ടുണ്ടെന്നും ഇത് സംബന്ധിച്ച് തിരഞ്ഞെടുപ്പ് കമ്മീഷന് പരാതി നൽകുമെന്നും ലോക്സഭാ പ്രതിപക്ഷ നേതാവ് രാഹുൽ ഗാന്ധി. സംസ്ഥാനത്തെ അപ്രതീക്ഷിത ഫലം പാർട്ടി വിശകലനം ചെയ്യുകയാണെന്നും അദ്ദേഹം പറഞ്ഞു. “ഞങ്ങൾ ഹരിയാനയിലെ അപ്രതീക്ഷിത ഫലം വിശകലനം ചെയ്യുകയാണ്. പല നിയമസഭാ മണ്ഡലങ്ങളിൽ നിന്നും വരുന്ന പരാതികളെക്കുറിച്ച് ഞങ്ങൾ തിരഞ്ഞെടുപ്പ് കമ്മീഷനെ അറിയിക്കും. പിന്തുണച്ചതിന് ഹരിയാനയിലെ എല്ലാ ജനങ്ങൾക്കും ഞങ്ങളുടെ പാർട്ടി പ്രവർത്തകർക്കും അവരുടെ അശ്രാന്തപരിശ്രമത്തിന് ഹൃദയംഗമമായ നന്ദി. അവകാശങ്ങൾക്കും സാമൂഹികവും സാമ്പത്തികവുമായ നീതിക്കും സത്യത്തിനും വേണ്ടിയുള്ള ഈ പോരാട്ടം തുടരും”- അദ്ദേഹം പോസ്റ്റ് ചെയ്ത ട്വീറ്റിൽ പറഞ്ഞു. അതേസമയം, ജമ്മു കശ്മീരിലെ നാഷണൽ കോൺഫറൻസ്-കോൺഗ്രസ് വിജയം ഭരണഘടനയുടെ വിജയമാണെന്നും രാഹുൽ ഗാന്ധി പ്രതികരിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.