പൂച്ചക്കാട്ടെ ബോംബെ ഹോട്ടലില്നിന്ന് വാങ്ങിയ ഷവര്മ കഴിച്ച 14 കുട്ടികള്ക്ക് ഭക്ഷ്യവിഷബാധയെന്ന് സ്ഥിരീകരണം. പൂച്ചക്കാട്ടെ റിഫാ ഫാത്തിമ (16), ഫാത്തിമത്ത് സെക്കിയ (13), നഫീസാ മെഹസ (13), നഫീസത്ത് സുള്ഫ (13), ഖദീജത്ത് സല്ഫ (14), ഖദീജത്ത് സല്സാത്ത് (14), റിന്സാ ഫാത്തിമ (14), ആയിഷത്ത് ഷിഫാന (13), ആയിഷ ബഹ്റ (13), സഫാ ഫാത്തിമ (14), നിഫാ ഫാത്തിമ (13), ഫിദാ ഫാത്തിമ (14), സാറാ സഹ്ന (14), മുഹമ്മദ് റിസ്വാന് (8) എന്നിവര് കാഞ്ഞങ്ങാട്ടെ സ്വകാര്യ ആശുപത്രിയിലാണ് ചികിത്സതേടിയിരിക്കുന്നത്.തിങ്കളാഴ്ച രാത്രി 11-ഓടെ ആസ്പത്രിയില് പ്രവേശിപ്പിച്ച കുട്ടികളില് നാലുപേര് ചൊവ്വാഴ്ച രാവിലെയും 10 പേര് ഉച്ചതിരിഞ്ഞും ആശുപത്രി വിട്ടു. പള്ളിക്കര പൂച്ചക്കാട് തെക്കുപുറം ജമാഅത്ത് കമ്മിറ്റി നടത്തിയ നബിദിനാഘോഷത്തില് വൊളന്റിയര്മാരായിരുന്നു കുട്ടികള്. കുട്ടികള്ക്ക് സംഘാടകര് ലഘുഭക്ഷണം ഏര്പ്പെടുത്തിയിരുന്നു. വിളമ്പിക്കഴിഞ്ഞപ്പോള് ഭക്ഷണം തികഞ്ഞില്ല. തുടര്ന്ന് സംഘാടകര് വേദിയുടെ തൊട്ടടുത്തുള്ള ബോംബെ ഹോട്ടലില്നിന്ന് ഷവര്മ വാങ്ങിനല്കുകയായിരുന്നു. കഴിച്ച് അരമണിക്കൂറിനുള്ളില് കുട്ടികള് ചര്ദിക്കാന് തുടങ്ങി. സംഘാടകര് എല്ലാവരെയും ഉടന് ആസ്പത്രിയിലെത്തിച്ചു. ബേക്കല് പോലീസിനെയും പള്ളിക്കര പഞ്ചായത്ത് ആരോഗ്യവിഭാഗത്തെയും വിവരം അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.