യുവാവ് തീകൊളുത്തി കൊലപ്പെടുത്താന് ശ്രമിച്ച പെണ്കുട്ടിയുടെ നില അതീവ ഗുരുതരം. കുട്ടിയ്ക്ക് 60 ശതമാനത്തിലധികം പൊള്ളലേറ്റിട്ടുണ്ട്. അന്ധേരിയിലെ മാരോള് സ്വദേശികളായ ജിതേന്ദ്രയും (30) പെണ്കുട്ടിയും സുഹൃത്തുക്കളായിരുന്നു. ആക്രമണത്തിന് പിന്നിലെ കാരണം വ്യക്തമായിട്ടില്ലെന്ന് പൊലീസ് പറഞ്ഞു. ആക്രമണത്തിനിടെ ജിതേന്ദ്രയ്ക്കും പൊള്ളലേറ്റിട്ടുണ്ട്.ഞായറാഴ്ച രാത്രി 11.30 ഓടെയാണ് സംഭവം. പെണ്കുട്ടി കൂട്ടുകാരികളുടെ കൂടെ പുറത്തുപോയതായിരുന്നു. ഭക്ഷണം കഴിച്ചതിന് ശേഷം റോഡിന് സമീപം ഇരിക്കുകയായിരുന്ന പെണ്കുട്ടിയുടെ ദേഹത്ത് യുവാവ് പെട്രോള് ഒഴിച്ച് കത്തിക്കുകയായിരുന്നു. മുഖത്തും കഴുത്തിലും സ്വകാര്യ ഭാഗങ്ങളിലുമായി 60 ശതമാനത്തിലധികം പൊള്ളലേറ്റിട്ടുണ്ട്. സംസാരിക്കാന് പോലും സാധിക്കാത്ത അവസ്ഥയിലാണ് കുട്ടിയുള്ളത്. തങ്ങള് തമ്മില് സൗഹൃദം മാത്രമാണെന്നും പ്രണയ ബന്ധം ഇല്ലെന്നും പെണ്കുട്ടി പറഞ്ഞതായി അമ്മ പൊലീസിന് മൊഴി നല്കിയിട്ടുണ്ട്. പെണ്കുട്ടിയുടെ അമ്മ നല്കിയ പരാതിയുടെ അടിസ്ഥാനത്തില് ജിതേന്ദ്രയ്ക്കെതിരെ പൊലീസ് കേസെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.