ദക്ഷിണ പൂര്വേഷ്യന് രാജ്യങ്ങളില് കോവിഡ് പടരുന്നതിനാൽ കേരളത്തിലും പടരുന്നതിനാൽ ജാഗ്രത പാലിക്കണമെന്ന് ആരോഗ്യ മന്ത്രി. കേരളത്തിൽ ഈ മാസം റിപ്പോർട്ട് ചെയ്തത് 182 കോവിഡ് കേസുകളാണ്. കോട്ടയം ജില്ലയില് 57 കേസുകളും എറണാകുളത്ത് 34 കേസുകളും തിരുവനന്തപുരത്ത് 30 കേസുകളും റിപ്പോര്ട്ട് ചെയ്തിട്ടുണ്ട്. സംസ്ഥാനത്ത് രോഗലക്ഷണമുള്ളവര്ക്ക് കോവിഡ് പരിശോധന നടത്താന് നിര്ദേശം നല്കിയിട്ടുണ്ട്. ആര്ടിപിസിആര് കിറ്റുകളും മറ്റ് സുരക്ഷാ ഉപകരണങ്ങളും ഉറപ്പാക്കാനും നിര്ദേശം നല്കി. ദക്ഷിണ പൂര്വേഷ്യന് രാജ്യങ്ങളില് പകരുന്ന ഒമിക്രോണ് ജെഎന് 1 വകഭേദങ്ങളായ എല്എഫ് 7, എന്ബി 1.8 എന്നിവയ്ക്ക് രോഗ വ്യാപന ശേഷി കൂടുതലാണ്. എന്നാല് തീവ്രത കൂടുതലല്ല.
സ്വയം പ്രതിരോധം പ്രധാനമാണെന്നും ആരോഗ്യ മന്ത്രി പറഞ്ഞു. ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ രോഗലക്ഷണങ്ങള് ഉള്ളവര് നിര്ബന്ധമായും മാസ്ക് ധരിക്കണം. പ്രായമായവരും, ഗര്ഭിണികളും ഗുരുതര രോഗമുള്ളവരും പൊതുയിടങ്ങളിലും യാത്രകളിലും മാസ്ക് ധരിക്കുന്നത് അഭികാമ്യമാണ്. ആശുപത്രികളില് മാസ്ക് നിര്ബന്ധമാണ്. ആരോഗ്യ പ്രവര്ത്തകര് മാസ്ക് നിര്ബന്ധമായും ധരിക്കണം. അനാവശ്യ ആശുപത്രി സന്ദര്ശനം ഒഴിവാക്കണം. മഴക്കാലം വരുന്നതിനാല് സംസ്ഥാനത്ത് ഡെങ്കിപ്പനി, എലിപ്പനി, ജലജന്യ രോഗങ്ങള് എന്നിവ വര്ധിക്കാന് സാധ്യതയുള്ളതിനാല് വളരെ ശ്രദ്ധിക്കണം. ഇടവിട്ട് മഴ പെയ്യാന് സാധ്യതയുള്ളവതിനാല് ഫീല്ഡ്തല പ്രവര്ത്തനങ്ങള് ശക്തിപ്പെടുത്തണം. തദ്ദേശ സ്ഥാപനങ്ങള് കൃത്യമായ കൊതുക് നിവാരണ പ്രവര്ത്തനങ്ങള് നടത്തണം. ഹോട്ട് സ്പോട്ടുകള് കണ്ടെത്തി പ്രവര്ത്തനങ്ങള് ശക്തമാക്കണമെന്നും മന്ത്രി പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.