2026 വർഷത്തെ പൊതു അവധി ദിനങ്ങൾക്ക് സംസ്ഥാന മന്ത്രിസഭ അംഗീകാരം നൽകി. നെഗോഷ്യബിൾ ഇൻസ്ട്രുമെൻ്റ് ആക്ട് പ്രകാരമുള്ള അവധികളുടെ പട്ടികയിൽ മന്നം ജയന്തിയും (ജനുവരി 2) പെസഹാ വ്യാഴവും (ഏപ്രിൽ 2) ഉൾപ്പെടുത്തിയതിനാൽ ഈ ദിവസങ്ങളിൽ ബാങ്കുകൾക്കും ധനകാര്യ സ്ഥാപനങ്ങള്ക്കും അവധിയായിരിക്കും.
ജനുവരി 26 (റിപ്പബ്ലിക് ദിനം), മാർച്ച് 20 (റംസാൻ), ഏപ്രിൽ 3 (ദുഃഖ വെള്ളി), ഏപ്രിൽ 14 (അംബേദ്കർ ജയന്തി), ഏപ്രിൽ 15 (വിഷു), മേയ് 1 (മേയ് ദിനം), മേയ് 27 (ബക്രീദ്), ജൂൺ 25 (മുഹറം), ഓഗസ്റ്റ് 12 (കർക്കടകവാവ്), ഓഗസ്റ്റ് 15 (സ്വാതന്ത്ര്യദിനം), ഓഗസ്റ്റ് 25 (ഒന്നാം ഓണം), 26 (തിരുവോണം), 27 (മൂന്നാം ഓണം), 28 (നാലാം ഓണം, ശ്രീനാരായണ ഗുരു ജയന്തി, അയ്യങ്കാളി ജയന്തി), സെപ്റ്റംബർ 4 (ശ്രീകൃഷ്ണജയന്തി), സെപ്റ്റംബർ 21 (ശ്രീനാരായണഗുരു സമാധി), ഒക്ടോബർ 2 (ഗാന്ധിജയന്തി), 20 (മഹാനവമി), 21 (വിജയദശമി), ഡിസംബർ 25 (ക്രിസ്മസ്) എന്നിവയാണ് പ്രധാന പൊതു അവധികൾ.
ഫെബ്രുവരി 15 (മഹാശിവരാത്രി), ഏപ്രിൽ 5 (ഈസ്റ്റർ), നവംബർ 8 (ദീപാവലി) എന്നീ അവധിദിനങ്ങൾ പൊതു അവധിയായ ഞായർ ദിവസങ്ങളിൽ വരുന്നതിനാൽ പട്ടികയിൽ നിന്ന് ഒഴിവാക്കിയിട്ടുണ്ട്. മാർച്ച് 4 (അയ്യാ വൈകുണ്ഠ സ്വാമി ജയന്തി), ഓഗസ്റ്റ് 28 (ആവണി അവിട്ടം), സെപ്റ്റംബർ 17 (വിശ്വകർമദിനം) എന്നിവ നിയന്ത്രിത അവധികളായിരിക്കും. കൂടാതെ 2026 മാർച്ച് 4ന് ഹോളി ദിനത്തിൽ ന്യൂഡൽഹിയിൽ പ്രവർത്തിക്കുന്ന സംസ്ഥാന സർക്കാർ ഓഫീസുകൾക്ക് പ്രാദേശിക അവധി അനുവദിക്കുമെന്നും മന്ത്രിസഭാ തീരുമാനത്തിൽ പറയുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.