മഹാരാഷ്ട്രയിൽ 25000 കോടി രൂപയുടെ സഹകരണ ബാങ്ക് ക്രമക്കേടുമായി ബന്ധപ്പെട്ട കേസിൽ ഉപമുഖ്യമന്തി അജിത് പവാർ ഭാര്യ സുനേത്ര പവാർ എന്നിവർക്ക് പൊലീസിലെ സാമ്പത്തിക കുറ്റ കൃത്യ വിഭാഗം ക്ലീൻ ചിറ്റ് നൽകി. നടപടിക്കെതിരെ വലിയ വിമർശനങ്ങളാണ് ഉയർന്നിരിക്കുന്നത്.
മഹാരാഷ്ട്രയിലെ സഹകരണ ബാങ്കിലെ 25000 കോടി രൂപയുടെ ക്രമക്കേടുമായി ബന്ധപ്പെട്ട കേസിലാണ് ഉപമുഖ്യമന്തി അജിത് പവാർ ഭാര്യ സുനേത്ര പവാർ എന്നിവർക്കെതിരെയുള്ള ആരോപണങ്ങളിൽ തെളിവില്ലെന്ന വാദത്തിൽ പൊലീസിലെ സാമ്പത്തിക കുറ്റ കൃത്യ വിഭാഗം ക്ലീൻ ചിറ്റ് നൽകിയത്. ജനുവരിയിൽ കോടതിയിൽ പോലീസ് നൽകിയ റിപ്പോർട്ടിന്റെ വിശദാംശങ്ങളാണ് ഇപ്പോൾ പുറത്ത് വന്നിരിക്കുന്നത്.
നഷ്ടത്തിലായ പഞ്ചസാര മില്ലുകൾക്ക് സഹകരണ ബാങ്ക് ഭരണ സമിതിയിലുണ്ടായിരുന്ന അജിത് പവാർ അടക്കമുള്ളവർ നടപടി ക്രമങ്ങൾ പാലിക്കാതെ ആയിരക്കണക്കിന് കോടികളുടെ വായ്പ്പ നൽകിയതുമായി ബന്ധപ്പെട്ട തട്ടിപ്പുകളാണ് പുറത്ത് വന്നത്. വായ്പ തിരിച്ചടവ് മുടങ്ങിയതോടെ പഞ്ചസാര മില്ലുകൾ ബാങ്ക് ലേലത്തിന് വയ്ക്കുകയും ബാങ്ക് ഡയറക്ടർ ബോർഡിലുള്ളവരുടെ ബിനാമി കമ്പനികളോ ബന്ധുക്കളോ ചെറിയ തുകക്ക് അവ പിടിച്ചെടുക്കുകയും ചെയ്യുന്ന വിധത്തിലാണ് തട്ടിപ്പ് നടന്നതെന്നായിരുന്നു ആരോപണം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.