തെലങ്കാനയില് വന് എടിഎം കവര്ച്ച. നാല് മിനിറ്റുകള്ക്കുള്ളില് 30 ലക്ഷം രൂപയാണ് കവര്ന്നു. രംഗറെഡ്ഡി ജില്ലയിലുള്ള എസ്ബിഐയുടെ എടിഎമ്മില് ഞായറാഴ്ച പുലര്ച്ചയോടെയാണ് സംഭവം. സിസിടിവി ദൃശ്യം പുറത്തുവന്നു. നാല് പേരായിരുന്നു കവര്ച്ചാ സംഘത്തില് ഉണ്ടായിരുന്നത്. പുലര്ച്ചെ 1.56 ഓടെ സംഘം എടിഎമ്മിന് സമീപമെത്തി. തുടര്ന്ന് കാറില് നിന്ന് ഒരാള് പുറത്തിറങ്ങി. എടിഎമ്മിന് സമീപമുണ്ടായിരുന്ന സിസിടിവി ക്യാമറയില് സ്പ്രേ ചെയ്ത് ഇയാള് ദൃശ്യങ്ങള് അവ്യക്തമാക്കുകയായിരുന്നു. അതേസമയം എടിഎമ്മിനുള്ളിലെ സിസിടിവി ക്യാമറ അവ്യക്തമാക്കാന് സംഘത്തിന് കഴിഞ്ഞില്ല. ഈ ക്യാമറയിലാണ് സംഘത്തിലെ മൂന്നുപേര് ചേര്ന്ന് എടിഎം തകര്ക്കുന്ന ദൃശ്യങ്ങള് പതിഞ്ഞത്.
മോഷണശ്രമം ഉണ്ടായാല് മുന്നറിയിപ്പ് നല്കുന്ന എമര്ജന്സി സൈറണ് വയറുകള് അടക്കം സംഘം മുറിച്ചു. ശേഷം ഇരുമ്പ് ദണ്ഡും ഗ്യാസ് കട്ടറും ഉപയോഗിച്ചാണ് എടിഎം തകര്ത്തത്. ഈ സമയം ഒരാള് എടിഎമ്മിന് പുറത്തായി കാവല്നിന്നു. രണ്ട് മണിയോടെ സംഘം 29.69 ലക്ഷം രൂപയുമായി സ്ഥലം വിട്ടു. എടിഎമ്മിന്റെ ഷട്ടര് കൂടി അടച്ചാണ് സംഘം കടന്നുകളഞ്ഞത്. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു. പ്രതികളെക്കുറിച്ച് വ്യക്തമായ സൂചന ലഭിച്ചതായാണ് പൊലീസ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.