ബോട്ടില്‍ കടത്താൻ ശ്രമിക്കുന്നതിനിടെ കള്ളക്കടത്തുസംഘം കടലിലേക്ക് വലിച്ചെറിഞ്ഞ 20.2 കോടി രൂപ വിലമതിക്കുന്ന 32.689 കിലോഗ്രാം സ്വർണം കണ്ടെത്തി. രണ്ട് ദിവസത്തെ തിരച്ചിലിന് ശേഷം വ്യാഴാഴ്ചയാണ് സ്വര്‍ണം കണ്ടെത്തിയത്.
രാമേശ്വരം മണ്ഡപത്തിന് സമീപം ചൊവ്വാഴ്ച രാത്രിയായിരുന്നു സംഭവം. കടല്‍മാര്‍ഗം സ്വര്‍ണം കടത്തുന്നെന്ന രഹസ്യവിവരത്തെ തുടര്‍ന്ന് ഡയറക്ടറേറ്റ് ഓഫ് റവന്യൂ ഇന്റലിജന്‍സ് അധികൃതര്‍ തീരസംരക്ഷണസേനയുടെ സഹകരണത്തോടെ തിരച്ചില്‍നടത്തുന്നതിനിടെ കള്ളക്കടത്തുസംഘം സ്വര്‍ണം കടലിലേക്കെറിയുകയായിരുന്നു. സംഭവത്തില്‍ രക്ഷപ്പെടാൻ ശ്രമിച്ച മൂന്ന് പ്രതികളെ സംഘം പിടികൂടുകയും, സ്വര്‍ണം കണ്ടെടുക്കാനായി തിരച്ചില്‍ ആരംഭിക്കുകയായിരുന്നു. ശ്രീലങ്കയിൽ നിന്ന് ഇന്ത്യയിലേക്ക് കടത്താൻ ശ്രമിച്ച സ്വര്‍ണമാണ് പിടികൂടിയത്.
ഫെബ്രുവരിയിലും സമാനമായ സംഭവം ഈ മേഖലയില്‍ നടന്നിരുന്നു. അന്ന് കടലിലെറിഞ്ഞ 18 കിലോ സ്വര്‍ണം കണ്ടെടുത്തിരുന്നു.
English Summary: 32 kg gold worth Rs 20 crore recovered from sea smuggling bid foiled
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.