രാജ്യത്ത് 55% ആളുകളും അസഭ്യ വാക്കുകൾ ഉപയോഗിക്കുന്നവരാണെന്ന് റിപ്പോര്ട്ട്. പട്ടികയില് ഡൽഹിയാണ് മുന്നിൽ. ദക്ഷിണേന്ത്യക്കാര് പൊതുവേ സംയമനം പാലിക്കുന്നവരാണെന്നും ‘ഗാലി ബന്ദ് ഘർ അഭിയാൻ’ നടത്തിയ പഠനത്തില് കണ്ടെത്തി. സാമൂഹിക പ്രവർത്തകനും പ്രൊഫസറുമായ സുനിൽ ജഗ്ലാൻ നേതൃത്വം നൽകുന്ന കാമ്പയിനാണ് ‘ഗാലി ബന്ദ് ഘർ അഭിയാൻ’. 70,000ത്തിലധികം പേരാണ് സർവേയിൽ പങ്കെടുത്തത്.
പുരുഷന്മാരാണ് അസഭ്യ വാക്കുകൾ കൂടുതലായി പറയുന്നതെങ്കിലും 30% സ്ത്രീകളും പതിവായി അധിക്ഷേപകരമായ ഭാഷ ഉപയോഗിക്കുന്നുണ്ടെന്ന് സർവേ കണ്ടെത്തി. ഡൽഹിയിൽ 80% ആണ് ഇത്തരത്തിലുള്ള പദപ്രയോഗങ്ങളും അധിക്ഷേപങ്ങളുമെങ്കിൽ തൊട്ടുപിന്നാലെ പഞ്ചാബ് 78%, ഉത്തർപ്രദേശ് 74%, ബിഹാർ 74%, രാജസ്ഥാൻ 68%, ഹരിയാന 62%, മഹാരാഷ്ട്ര 58%, ഗുജറാത്ത് 55%, മധ്യപ്രദേശ് 48%, ഉത്തരാഖണ്ഡ് 45 % എന്നിങ്ങനെയാണ് പട്ടിക. ദക്ഷിണേന്ത്യൻ സംസ്ഥാനങ്ങളില് അസഭ്യ വാക്കുകളുടെ ഉപയോഗം താരതമ്യേന കുറവാണെന്നും സര്വേ പറയുന്നു. തെലങ്കാന 35%, ആന്ധ്രാപ്രദേശ് 39%, കേരളം 42%, തമിഴ്നാട്, കർണാടക എന്നിവിടങ്ങളില് 44% എന്നിങ്ങനെ രേഖപ്പെടുത്തി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.