കേരളത്തിൽ ഇത്തവണ മഴ കുറയുമെന്ന് കേന്ദ്ര കാലാവസ്ഥാ വകുപ്പ്. പുതുക്കിയ മൺസൂൺ (ജൂൺ — സെപ്റ്റംബർ) പ്രവചന പ്രകാരം സാധാരണയിൽ കുറവ് മഴയാകും സംസ്ഥാനത്ത് ലഭിക്കുക. കാലവർഷം കർണാടകത്തിലേക്ക് പ്രവേശിച്ചതായും കാലാവസ്ഥാ മുന്നറിയിപ്പില്‍ പറയുന്നു.
ഇക്കഴിഞ്ഞ വേനൽ മഴക്കാലം ഇന്നലെ അവസാനിച്ചപ്പോൾ കേരളത്തിൽ 85 ശതമാനം അധിക മഴ ലഭിച്ചു. സാധാരണ ഈ കാലയളവിൽ ലഭിക്കേണ്ട മഴയെക്കാൾ (361.5 മില്ലീ മീറ്റർ) അധികമായാണ് ഇത്തവണ ലഭിച്ചത്.
668.5 മില്ലീ മീറ്റര്‍. എല്ലാ ജില്ലകളിലും സാധാരണ ലഭിക്കേണ്ടതിനേക്കാൾ കൂടുതൽ മഴ ലഭിച്ചു. 92 ദിവസം നീണ്ട സീസണിൽ ഏറ്റവും കൂടുതൽ മഴ രേഖപെടുത്തിയത് എറണാകുളം ജില്ലയിലാണ് (1007.6 മില്ലീ മീറ്റർ). ഏറ്റവും കുറവ് മഴ പാലക്കാട് ( 396.8 മില്ലീ മീറ്റർ) രേഖപ്പെടുത്തി.
രാജ്യത്ത് ആകെ നേരത്തെ പ്രവചിച്ചിരുന്നതിനേക്കാള്‍ കൂടുതല്‍ മഴ ലഭിച്ചേക്കുമെന്നാണ് വിലയിരുത്തല്‍. ശരാശരി മഴ ദീർഘകാല ശരാശരിയുടെ 103 ശതമാനം ആയിരിക്കും. വടക്കുകിഴക്കൻ മേഖലയിൽ സാധാരണയിലും താഴെയായിരിക്കും മഴയെന്നും ഇന്ത്യൻ കാലാവസ്ഥാ വകുപ്പ് ഡയറക്‌ടര്‍ മൃത്യുഞ്‌ജയ് മൊഹപത്ര അറിയിച്ചു.
English summary;85% extra rainfall in summer
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.