തുര്‍ക്കിയുമായി അതിര്‍ത്തി പങ്കിടുന്ന ഗ്രീസ് മേഖലയില്‍ 92 അഭയാര്‍ത്ഥികളെ നഗ്നരായി കണ്ടെത്തിയ സംഭവത്തില്‍ യുഎന്‍ അടിയന്തര അന്വേഷണം ആവശ്യപ്പെട്ടു. അഭയാര്‍ത്ഥി സംഘത്തിന്റെ ചിത്രങ്ങള്‍ ഞെട്ടിപ്പിക്കുന്നതും മാനസിക സംഘര്‍ഷമുണ്ടാക്കുന്നതുമാണെന്ന് യുഎന്‍എച്ച്സിആര്‍ വക്താവ് അറിയിച്ചു.
അഫ്ഗാനിസ്ഥാനിലും സിറിയയിലും നിന്നുള്ള അഭയാര്‍ത്ഥികളാണ് സംഘത്തിലുണ്ടായിരുന്നത്. ചിലരുടെ ദേഹത്ത് മുറിപ്പാടുകളുമുണ്ടായിരുന്നു. റബ്ബര്‍ തോണിയില്‍ എവ്റോസ് നദി മുറിച്ചുകടക്കാന്‍ ശ്രമിക്കുന്നതിനിടെയാണ് ഇവരെ കണ്ടെത്തിയതെന്ന് ഗ്രീക്ക് പൊലീസ് പറഞ്ഞു.
കുട്ടികളും ഇവര്‍ക്കൊപ്പമുണ്ടായിരുന്നു. തുര്‍ക്കി സൈന്യമാണ് ഇവരെ വിവസ്ത്രരാക്കിയതെന്ന് റിപ്പോര്‍ട്ടുകളുണ്ട്. എന്നാല്‍ സംഭവത്തില്‍ വിശദമായ അന്വേഷണം വേണമെന്നാണ് ഗ്രീസും ആവശ്യപ്പെട്ടിരിക്കുന്നത്. ആവശ്യമായ ഭക്ഷണവും പ്രാഥമിക ചികിത്സയും നല്‍കി ഇവരെ ഗ്രീസിലെ വടക്കുകിഴക്കന്‍ പട്ടണമായ ഒറസ്റ്റിയാഡയിലേക്ക് മാറ്റിയതായും യുഎന്‍ മനുഷ്യാവകാശ കമ്മിഷന്‍ അംഗങ്ങള്‍ അവരുമായി സംസാരിക്കുമെന്നും ഗ്രീക്ക് ഭരണകൂടം അറിയിച്ചു.
English Summary:92 refugees stripped naked; The UN announced an urgent investigation
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.