മണ്ണും മനുഷ്യനും ഒരു അമ്മ പെറ്റ മക്കളെ പോലെ ആണെന്നും മണ്ണുള്ളിടത്തെല്ലാം കൃഷി ഉണ്ടാകണമെന്നും മന്ത്രി പി പ്രസാദ്. ഹരിത ഫാർമേഴ്സ് ക്ലബിന്റെ പച്ചക്കറി വിളവെടുപ്പ് ഉദ്ഘാടനം കായിപ്പുറത്ത് നിർവഹിക്കുകയായിരുന്നു അദ്ദേഹം. മനുഷ്യനെ ജീവിപ്പിയ്ക്കുന്നത് മണ്ണാണ്. മണ്ണില്ലാതെ ഒന്നും ചെയ്യാൻ കഴിയില്ല. മണ്ണിനെ മറക്കുന്ന സംസ്ക്കാരം നമ്മളെ അറിയാതെ ഗ്രസിച്ചു പോയി. ഇതിന് മാറ്റം വരുത്താനാണ് ‘ഞങ്ങളും കൃഷിയിലേയ്ക്ക് ’ എന്ന പദ്ധതി തുടങ്ങിയത്.
വിഷാംശമുള്ള പച്ചക്കറി വാങ്ങില്ലെന്ന് ഓരോരുത്തരും തീരുമാനിക്കണം. നമുക്ക് ആവശ്യമുള്ളത് നമ്മൾ തന്നെ ഉൽപ്പാദിപ്പിക്കണം. ആരോഗ്യമാണ് ഏറ്റവും വലിയ സാമ്പാദ്യമെന്നും മന്ത്രി ഓർമ്മിപ്പിച്ചു. കൃഷി വളരെ ലാഭകരമായി നടത്തുന്നവരുണ്ട്. ധാരാളം ചെറുപ്പക്കാർ കൃഷി ഉപജീവനമാർഗമായി തെരഞ്ഞെടുക്കുന്നുണ്ട്. സാമ്പത്തിക ലാഭത്തേക്കാൾ പ്രാധാനമാണ് ആരോഗ്യ സംരക്ഷണമെന്നും മന്ത്രി പറഞ്ഞു. പഞ്ചായത്ത് പ്രസിഡന്റ് സ്വപ്നാ ഷാബു അധ്യക്ഷത വഹിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.