ഭരണ രംഗത്ത് എല്ലാ തലത്തിലും പൂര്‍ണ്ണ പരാജയമാണെന്ന് തെളിയിച്ച മോഡി സര്‍ക്കാര്‍ വര്‍ഗ്ഗീയ വിദ്വേഷവും ബുള്‍ ഡോസര്‍ രാഷ്ട്രീയവും മുന്നില്‍ നിര്‍ത്തി ജനകീയ പ്രശ്‌നങ്ങളില്‍ നിന്നും ഒഴിഞ്ഞു മാറുകയാണെന്ന് എ ഐ ടി യു സി ജനറല്‍ സെക്രട്ടറി അമര്‍ജിത് കൗര്‍. ഇന്നലെ സര്‍ക്കാരിന്റെ ബുള്‍ഡോസര്‍ രാഷ്ട്രീയത്തിനെതിരെയും വര്‍ഗ്ഗീയ അജണ്ടകള്‍ക്കെതിരെയും ഇടതുപക്ഷ പാര്‍ട്ടികളുടെ നേതൃത്വത്തില്‍ സംഘടിപ്പിച്ച പ്രതിഷേധ ധര്‍ണയെ അഭിസംബോധന ചെയ്ത് സംസാരിക്കുകയായിരുന്നു കൗര്‍.
സാമ്പത്തികം, തൊഴില്‍, വിലക്കയറ്റ നിയന്ത്രണം തുടങ്ങി എല്ലാ മേഖലകളിലും മോഡി സര്‍ക്കാര്‍ സമ്പൂര്‍ണ്ണ പരാജയമാണ്. ഇത് മറച്ചു വയ്ക്കാനാണ് വര്‍ഗ്ഗീയ വിദ്വേഷ അജണ്ടയുമായി സര്‍ക്കാര്‍ മുന്നോട്ടു പോകുന്നത്. രാജ്യ വ്യാപകമായി ബുള്‍ഡോസര്‍ രാഷ്ട്രീയത്തിലൂടെ ന്യൂനപക്ഷങ്ങളെ ഭീഷണി പെടുത്ത് തങ്ങളുടെ വീഴ്ച മറച്ചു പിടിക്കാനാണ് കേന്ദ്ര സര്‍ക്കാര്‍ ശ്രമിക്കുന്നത്. അനധികൃത നിര്‍മ്മാണങ്ങള്‍ ഇടിച്ചു നിരത്തുന്നെന്ന് സര്‍ക്കാര്‍ അവകാശപ്പെടുമ്പോഴും അവരെ പുനരധിവസിപ്പിക്കാന്‍ ശ്രമം നടത്താതെ പാവപ്പെട്ടവരെ പെരുവഴിയിലേക്ക് തള്ളുകയാണെന്നും കൗര്‍ കുറ്റപ്പെടുത്തി.
ജന്ദര്‍ മന്ദിറില്‍ ഇടതുപക്ഷ പാര്‍ട്ടികളുടെ നേതൃത്വത്തില്‍ സംഘടിപ്പിച്ച ധര്‍ണ സി പി ഐ (എം) ജനറല്‍ സെക്രട്ടറി സീതാറാം യച്ചൂരിയാണ് ഉദ്ഘാടനം ചെയ്തത്. ഇടതുപക്ഷ പക്ഷ കക്ഷികളുടെ ഡല്‍ഹി ഘടകങ്ങള്‍ സംയുക്തമായി സംഘടിപ്പിച്ച പ്രതിഷേധ ധര്‍ണയ്ക്ക് വന്‍ തോതില്‍ ജനപങ്കാളിത്വം നേടാനായെന്നതും ശ്രദ്ധേയം.
English Summary: Center stays away from popular issues on the pretext of communal hatred and bulldozer politics: Amarjit Kaur
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.