2 January 2025, Thursday
KSFE Galaxy Chits Banner 2

Related news

January 1, 2025
December 23, 2024
December 6, 2024
November 16, 2024
November 14, 2024
November 12, 2024
November 12, 2024
November 9, 2024
November 1, 2024
October 30, 2024

പ്രളയം: പാകിസ്ഥാന് 1800 കോടി ഡോളര്‍ സാമ്പത്തിക നഷ്ടം

Janayugom Webdesk
ഇസ്‍ലാമാബാദ്
September 10, 2022 10:32 pm

പ്രളയത്തി ല്‍ പാകിസ്ഥാന് 1800 കോടി ഡോളര്‍ നഷ്ടമുണ്ടായതായി റിപ്പോര്‍ട്ടുകള്‍. നേരത്തെ 1250 കോടി ഡോളറിന്റെ നഷ്ടമായിരുന്നു പാക് സര്‍ക്കാര്‍ കണക്കായിരുന്നത്. വെള്ളപ്പൊക്കത്തെ തുടര്‍ന്ന് കാര്‍ഷിക മേഖലയും ഗുരുതര തിരിച്ചടി നേരിട്ടു. 3.3 കോടിയിലധികം ആളുകളെ പ്രളയം ബാധിച്ചു. 8.25 ദശലക്ഷം ഏക്കറിലെ കൃഷി നശിച്ചത് സാമ്പത്തിക നഷ്ടം കൂടുതല്‍ വര്‍ധിപ്പിച്ചതായി ദ ന്യൂസ് ഇന്റര്‍നാഷണല്‍ റിപ്പോര്‍ട്ട് ചെയ്തു. പരുത്തി, നെല്ല്,ഗോതമ്പ് ഉള്‍പ്പെടെയുള്ള വിളകള്‍ വെള്ളപ്പൊക്കത്തില്‍ നശിച്ചു. ശരിയായ രീതിയില്‍ ജലസേചനം നടത്തിയില്ലെങ്കില്‍ ഗോതമ്പ് വിതയ്ക്കുന്നതില്‍ പ്രതിസന്ധി നേരിടും. ദാരിദ്ര്യവും തൊഴിലില്ലായ്മയും 21.9 ശതമാനത്തില്‍ നിന്ന് 36 ശതമാനത്തിലേറെയായി ഉയരും. വെള്ളപ്പൊക്കത്തിനു ശേഷം 118 ജില്ലകളിലെ 37 ശതമാനം ജനങ്ങളും ദാരിദ്ര്യത്തിന്റെ പിടിയിലായതായാണ് പാക് സര്‍ക്കാരിന്റെ കണക്ക്. 

വെള്ളപ്പൊക്കവും ഉക്രെയ്‍ന്‍ സംഘര്‍ഷവും 2022–23 സാമ്പത്തിക വര്‍ഷത്തിലെ ജിഡിപി വളര്‍ച്ചാ നിരക്ക് അഞ്ച് ശതമാനത്തില്‍ നിന്ന് മൂന്ന് ശതമാനമായി കുറയ്ക്കും എന്നാണ് പ്രവചനം. പ്രളയം, അന്താരാഷ്ട്ര നാണയ നിധി ഫണ്ടുകളുടെ കാലതാമസം എന്നിവ കാരണം മൊത്ത ആഭ്യന്തര ഉല്പാദന വളര്‍ച്ചാ നിരക്കില്‍ രണ്ട് ശതമാനം കുറവുണ്ടാകുമെന്ന് നാഷണല്‍ ഫ്ലഡ് റെസ്‍പോണ്‍സ് ആന്റ് കോര്‍ഡിനേഷന്‍ സെന്റര്‍ ചെയര്‍മാന്‍ മേജര്‍ ജനറല്‍ സഫര്‍ ഇഖ്ബാന്‍ പറഞ്ഞിരുന്നു. സാമ്പത്തിക നഷ്ടം ലഘൂകരിക്കാനുള്ള സഹായപദ്ധതികളുടെ വിനിയോഗത്തിന് ഫലപ്രദമായ സംവിധാനവും രൂപരേഖയും തയാറാക്കാനുള്ള നീക്കത്തിലാണ് സര്‍ക്കാര്‍.

പ്രളയബാധിത പ്രവിശ്യകളിലെ ദുരിതാശ്വാസ പ്രവര്‍ത്തനങ്ങള്‍ പുരോഗമിക്കുകയാണ്. വെള്ളപ്പൊക്കത്തില്‍ ഇതുവരെ 1396 പേര്‍ മരിച്ചതായാണ് ദുരന്ത നിവാരണ സേനയുടെ റിപ്പോ
ര്‍ട്ടുകള്‍. 12,700 പേര്‍ക്ക് പരിക്കേറ്റു. ആകെ 81 ജില്ലകളാണ് ദുരന്ത ബാധിത മേഖലകളായി പ്രഖ്യാപിച്ചിട്ടുള്ളത്. ബലൂചിസ്ഥാനില്‍ 32, സിന്ധില്‍ 23, പഖ്തുണ്‍ഖയില്‍ 17 എന്നിങ്ങനെയാണ് ദുരന്തബാധിത മേഖലകള്‍.

Eng­lish Summary:Flood: Eco­nom­ic loss of 18 bil­lion dol­lars to Pakistan
You may also like this video

TOP NEWS

January 2, 2025
January 2, 2025
January 2, 2025
January 2, 2025
January 2, 2025
January 2, 2025

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.