വിശ്വഭാരതി സർവകലാശാലയുടെ ഭൂമി ഒഴിപ്പിക്കൽ ഉത്തരവിനെതിരെ വിഖ്യാത സാമ്പത്തിക ശാസ്ത്രജ്ഞനും നൊബേൽ സമ്മാന ജേതാവുമായ അമർത്യ സെന്നിന്റെ വസതിക്ക് പുറത്ത് പ്രതിഷേധം. പശ്ചിമ ബംഗാളിലെ ബൊൽപൂരിലെ വീടിന് സമീപം നാട്ടുകാരും തൃണമൂൽ കോൺഗ്രസ് അംഗങ്ങളുമാണ് പ്രതിഷേധം സംഘടിപ്പിച്ചത്.
പ്രതിഷേധത്തിന്റെ മൂന്നാം ദിവസമായ ഇന്നലെ വിശ്വഭാരതി സർവകലാശാല സ്ഥാപകനായ രവീന്ദ്രനാഥ ടാഗോറിന്റെ ജന്മദിനമായതിനാൽ കാമ്പസിന് അവധിയായിരുന്നു. ജന്മദിനത്തോടനുബന്ധിച്ച് സർവകലാശാലയിലും സമീപ പ്രദേശത്തും നടന്ന ആഘോഷങ്ങളിൽ പ്രതിഷേധക്കാരും പങ്കുചേർന്നുവെന്നാണ് റിപ്പോർട്ടുകൾ.
അമർത്യ സെന്നിന്റെ ശാന്തിനികേതനിലെ വസതിയുൾപ്പെടുന്ന ഭൂമി മേയ് ആറിനകം ഒഴിയണമെന്ന് ആവശ്യപ്പെട്ട് സർവകലാശാല നേരത്തെ ഒഴിപ്പിക്കൽ നോട്ടീസ് അയച്ചിരുന്നു. ഈ ഭൂമി സെൻ അനധികൃതമായി കൈവശപ്പെടുത്തിയതാണെന്നും ഉത്തരവ് പാലിക്കാത്തപക്ഷം അദ്ദേഹത്തെ കുടിയൊഴിപ്പിക്കുമെന്നാണ് സർവകലാശാല മുന്നറിയിപ്പ്. ഭൂമി 100 വർഷത്തേക്ക് തന്റെ കുടുംബത്തിന് പാട്ടത്തിന് നൽകിയതാണെന്നും അതിന്റെ ഒരു ഭാഗം തന്റെ പിതാവ് എല്ലാ നിയമങ്ങളും ചട്ടങ്ങളും പാലിച്ച് വാങ്ങിയതാണെന്നും സെൻ പറഞ്ഞിരുന്നു.
English Sammury: Protests continue, Amartya Sen’s Land eviction issue
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.