കൊ​ളാ​വി​പ്പാ​ലത്തെത്തുന്ന കടലാ​മ​ക​ളു​ടെ എണ്ണം കു​റ​ഞ്ഞു; ഇത്തവണയെത്തിയത് ഒരു കടലാമ മാത്രം

വം​ശ​നാ​ശ ഭീ​ഷ​ണി നേ​രി​ടു​ന്ന ഒ​ലി​വ് റി​ഡ്​ലി ക​ട​ലാ​മ​ക​ളി​ലൂ​ടെ​ പ്ര​ശ​സ്തി​യി​ലേ​ക്ക് ഉ​യ​ർ​ന്ന​ മലബാറിലെ പയ്യോളി കൊ​ളാ​വി​പ്പാ​ലത്ത് കടലാമകളുടെ വരവ് കുറഞ്ഞു.
ആമകള്‍ മുട്ടയിടാനായി കൂട്ടത്തോടെ എത്തിയിരുന്ന കൊളാവിപ്പാലത്ത് തീരം സംരക്ഷണ സമിതിയുടെ നേതൃത്വത്തില്‍ ഹാ​ച്ച​റി​ ഒരുക്കിയാണ് മുട്ടകള്‍ സംരക്ഷിച്ചിരുന്നത്. മുട്ട വിരിയുന്നതുവരെ സംരക്ഷിക്കുകയും കുഞ്ഞുങ്ങളെ കടലിലേക്ക് വിടുകയുമായിരുന്നു പതിവ്. വര്‍ഷങ്ങളായി തുടരുന്ന ഈ പതിവിനാണ് ഇപ്പോള്‍ മങ്ങലേറ്റിരിക്കുന്നത്. ഒ​രു കാ​ല​ത്ത് അറുപത്തഞ്ചില​ധി​കം ആ​മ​ക​ൾ എ​ത്തു​ക​യും 50,000 വ​രെ മു​ട്ട​ക​ൾ ഇ​ടു​ക​യും ചെ​യ​ത് തീ​ര​ത്ത് ഈ ​വ​ർ​ഷം ഒ​രു ക​ട​ലാ​മ മാ​ത്ര​മാ​ണ് പ്ര​ജ​ന​ന​ത്തി​നാ​യി എ​ത്തി​യ​ത്. ഈ ​ആ​മയുടെ 126 മു​ട്ട​ക​ള്‍ തീ​രം സം​ര​ക്ഷ​ണ സ​മി​തി പ്ര​വ​ർ​ത്ത​ക​ർ ഹാ​ച്ച​റി​യി​ലേ​ക്ക് മാറ്റിയിരിക്കുകയാണ്.
മ​ഴ​ക്കാ​ലം ക​ഴി​ഞ്ഞ ഉ​ട​നെ​യാ​ണ് ആ​മ​ക​ളു​ടെ പ്ര​ജ​ന​ന​കാ​ലം. തീ​ര​ങ്ങ​ളി​ൽ ഓഗ​സ്റ്റ് മു​ത​ൽ ഏപ്രില്‍ വ​രെ​യാ​ണ് മു​ട്ട​യി​ടാ​നെ​ത്തു​ക. ഒ​രു ആ​മ 50 മു​ത​ൽ 170വ​രെ മു​ട്ട​യി​ടാ​റു​ണ്ട്. ഇ​വ ക​ണ്ടെ​ടു​ത്ത് തീ​രം സം​ര​ക്ഷ​ണ സ​മി​തി​യു​ടെ ഹാ​ച്ച​റി​യി​ലേ​ക്ക് മാ​റ്റി സം​ര​ക്ഷി​ക്കാ​റാ​ണ് പ​തി​വ്. 45 മു​ത​ൽ 70 വ​രെ ദി​വ​സ​ങ്ങ​ൾ​ക്കുശേ​ഷം മു​ട്ട വി​രി​ഞ്ഞ് കു​ഞ്ഞു​ങ്ങ​ൾ പു​റ​ത്ത് വ​രു​മ്പോ​ൾ പ്ര​വ​ർ​ത്ത​ക​ർ അവയെ ക​ട​ലി​ലേ​ക്ക് വി​ടും. എ​ന്നാ​ൽ തീ​രം തേ​ടി​യെ​ത്തു​ന്ന ആ​മ​ക​ളു​ടെ കു​റ​വ് ആ​ശ​ങ്ക​യ്ക്ക് കാ​ര​ണ​മാ​കു​ന്ന​താ​യാ​ണ് പ​രി​സ്ഥി​തി സം​ര​ക്ഷ​ണ പ്ര​വ​ർ​ത്ത​ക​ർ ചൂണ്ടിക്കാട്ടുന്നത്.
രാ​ജ്യ​ത്ത് ക​ട​ലാ​മ​ക​ൾ വം​ശ​നാ​ശ ഭീ​ഷ​ണി നേ​രി​ടു​ന്ന കാ​ല​ഘ​ട്ട​ത്തി​ൽ കേ​ര​ള​ത്തി​ലെ ഈ ​തീര​ത്ത് പ്ര​ജ​ന​ന​ത്തി​നാ​യി ഒ​ലി​വ് റി​ഡ്​ലി ക​ട​ലാ​മ​ക​ൾ ഉ​ൾപ്പെടെ എ​ത്തു​ന്നു​വെ​ന്ന​ത് ഏറെ കൗ​തു​കം സൃ​ഷ്ടി​ച്ച കാ​ര്യ​മാ​യി​രു​ന്നു. ഇ​ത് വ​ലി​യ രീ​തി​യി​ൽ വാ​ർ​ത്ത​യാ​കു​ക​യും ചെ​യ്തു. 1990 കാ​ല​ഘ​ട്ട​ത്തി​ൽ കൊ​ളാ​വി​പ്പാല​ത്ത് ക​ട​ലാ​മ​ക​ൾ വ​ന്ന് മു​ട്ട​യി​ട്ട് മ​ട​ങ്ങു​ന്ന​ത് അ​ന്ന് നാ​ട്ടു​കാ​ർ​ക്ക് സ്വാ​ഭാ​വി​ക കാ​ഴ്ച​യാ​യി​രു​ന്നു. ആ ​മു​ട്ട​ക​ൾ കു​ഴി​ച്ചെ​ടു​ത്ത് ഭ​ക്ഷ​ണ​മാ​ക്കി ഉ​പ​യോ​ഗിക്കാ​നാ​യി​രു​ന്നു പ്ര​ദേ​ശ​ത്തു​കാ​ർ ആദ്യം ശ്ര​മി​ച്ച​ത്. തു​ട​ർ​ന്ന് ക​ട​ലാ​മ​ക​ളു​ടെ സം​ര​ക്ഷ​ണ​ത്തെക്കുറി​ച്ച് നാ​ട്ടി​ലെ ഒ​രു കൂ​ട്ടം ചെ​റു​പ്പ​ക്കാ​ർ ബോ​ധ​വാ​ൻ​മാ​രാ​കു​കയും അ​തി​നാ​യി രം​ഗ​ത്ത് എ​ത്തു​കയും ചെയ്തു. 1992ൽ ​ക​ട​ലാ​മ സം​ര​ക്ഷ​ണ​ത്തി​നാ​യി കൊ​ളാ​വിപ്പാല​ത്ത് തീ​രം സം​ര​ക്ഷ​ണ സ​മി​തി എ​ന്ന സം​ഘ​ട​ന രൂ​പീ​ക​രി​ച്ച് പ്രവര്‍ത്തനം ആരംഭിക്കുകയായിരുന്നു.
അ​ന​ധി​കൃ​ത മ​ണ​ലെ​ടു​പ്പും ക​ട​ലേ​റ്റ​വും ക​ര അ​പ്ര​ത്യ​ക്ഷ​മാ​കാ​നും കാ​ര​ണ​മാ​കു​ന്ന​തോ​ടെ​യാ​ണ് തീ​രം തേ​ടി​യു​ള്ള ക​ട​ലാ​മ​ക​ളു​ടെ വ​ര​വ് കു​റ​ഞ്ഞ​തെ​ന്ന് തീ​രം സം​ര​ക്ഷ​ണ സ​മി​തി ഭാരവാഹി സി ​എം സ​തീ​ശ​ൻ പ​റ​യു​ന്നു. മ​ത്സ്യ​ത്തൊ​ഴി​ലാ​ളി​ക​ൾ മ​ത്സ്യ​ബ​ന്ധ​ന​ത്തി​ന് യോ​ഗ്യ​മ​ല്ലാ​ത്ത വ​ല​ക​ൾ ക​ട​ലി​ൽ ഉ​പേ​ക്ഷി​ക്കു​ന്നു. ഇ​തി​നെ ജ​യ​ന്റ് നെ​റ്റ് എ​ന്നാ​ണ് പ​റ​യു​ന്ന​ത്. ഇ​വ​യാ​ണ് മ​റ്റൊ​രു വി​ല്ല​ൻ. വി​ര​ലി​ലെ​ണ്ണാ​വു​ന്ന ആ​മ​ക​ൾ മാ​ത്ര​മേ ഇപ്പോള്‍ മു​ട്ട​യി​ടാ​ൻ തീ​ര​ത്തേ​ക്ക് എ​ത്താ​റൂ​ള്ളൂവെന്നും വ​രും വ​ർ​ഷ​ങ്ങ​ളി​ൽ ആ​മ​ക​ൾ വ​രു​മോ​യെ​ന്നുതന്നെ സം​ശ​യ​മാ​ണെ​ന്നും സി ​എം സ​തീ​ശ​ൻ പറഞ്ഞു.

eng­lish sum­ma­ry; The num­ber of sea tur­tles reach­ing Kolavipalam has decreased

you may also like this video;