സംസ്ഥാന സര്ക്കാര് ജീവനക്കാരുടെ അവകാശ സമരസംഘടനയായ ജോയിന്റ് കൗണ്സില് ഓഫ് സ്റ്റേറ്റ് സര്വീസ് ഓര്ഗനൈസേഷന് 54-ാം വാര്ഷിക സമ്മേളനത്തിന് മലപ്പുറത്ത് ഉജ്വല തുടക്കം. പൊതുസമ്മേളനം സിപിഐ ദേശീയ സെക്രട്ടേറിയറ്റ് അംഗം ബിനോയ് വിശ്വം എംപി ഉദ്ഘാടനം ചെയ്തു.
ജോയിന്റ് കൗണ്സില് സംസ്ഥാന വൈസ് ചെയര്മാന് കെ എ ശിവന് അധ്യക്ഷത വഹിച്ചു. ജനറല് കണ്വീനര് എം രാകേഷ് മോഹന്, സ്വാഗത സംഘം ചെയര്മാന് പി കെ കൃഷ്ണദാസ്, ജനറല് സെക്രട്ടറി ജയശ്ചന്ദ്രന് കല്ലിംഗല്, എ പി അഹമ്മദ്, കവിതാ രാജന്, കെ ഷാനവാസ്ഖാന്, സിപിഐ സംസ്ഥാന കൗണ്സില് അംഗം കെ പ്രഭാകരന്, ജോയിന്റ് കൗണ്സില് ജില്ലാ സെക്രട്ടറി കെ സി സുരേഷ് ബാബു തുടങ്ങിയവര് സംസാരിച്ചു.
വിവിധ കേന്ദ്രങ്ങളില് നിന്നാരംഭിച്ച ബാനര്, പതാക, കൊടിമര, ദീപശിഖജാഥകള് മലപ്പുറം ടൗണ്ഹാളിലെ സുരേഷ് തൊടിയില് നഗറില് സംഗമിച്ചു. തുടര്ന്ന് പൊതുസമ്മേളന നഗരിയായ വാര്യൻ കുന്നത്ത് കുഞ്ഞഹമ്മദ് ഹാജി സ്ക്വയറി (ടൗണ്ഹാള്) ലെത്തി. കഥാ പുരസ്കാരം നേടിയ ജിന്ഷാ ഗംഗ, കവിതാ പുരസ്കാരം നേടിയ ഷാജി നായരമ്പലം എന്നിവര്ക്ക് ഉപഹാരം നല്കി. തുടര്ന്ന് നിസാ അസീസിയുടെ സുഫിയാന നൈറ്റ് അരങ്ങേറി.
പ്രതിനിധി സമ്മേളനം മലപ്പുറം റോസ് ലോഞ്ച് ഓഡിറ്റോറിയം എം ദിവാകരന് നഗറില് ഇന്ന് രാവിലെ 10.30ന് സിപിഐ സംസ്ഥാന സെക്രട്ടറി കാനം രാജേന്ദ്രന് ഉദ്ഘാടനം ചെയ്യും. രാവിലെ 10ന് പതാക ഉയര്ത്തും.
English Summary: Joint Council meeting gets off to a flying start; The delegation will be inaugurated today
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.