എലത്തൂര്‍ ട്രെയിന്‍ തീവയ്പ് കേസില്‍ എന്‍ഐഎ റെയ്ഡ്. ഡല്‍ഹി ഷഹീന്‍ ബാഗിലെ ഒമ്പത് ഇടങ്ങളിലാണ് എന്‍ഐഎ പരിശോധന. പ്രതിയായ ഷാറൂഖ് സൈഫിയുടെ വീട്ടില്‍ ഉള്‍പ്പടെ പരിശോധനയ്ക്കായി എന്‍ഐഎ സംഘം എത്തി. അതേസമയം ഷാറൂഖ് സൈഫിയെ എന്‍ഐഎ ചോദ്യം ചെയ്തു വരികയാണ്.
പ്രതിയുമായി ബന്ധമുള്ള സ്ഥലങ്ങളിലാണ് പ്രധാനമായും പരിശോധന നടക്കുന്നത്. വിപിഎന്‍ ഉപയോഗിച്ച് പ്രതി രഹസ്യ ആപ്ലിക്കേഷനുകള്‍ വഴി ആശയ വിനിമയം നടത്തിയിരുന്നതായാണ് എന്‍ഐഎ ആരോപിക്കുന്നത്. ഇത് സംബന്ധിച്ചും അന്വേഷണം പുരോഗമിക്കുകയാണ്.
ഏപ്രില്‍ രണ്ടിനാണ് കണ്ണൂരിലേക്കു പോയ ട്രെയിനില്‍ ഷാറൂഖ് സെയ്ഫി യാത്രക്കാര്‍ക്ക് നേരെ പെട്രോള്‍ ഒഴിച്ച് തീ കൊളുത്തിയത്. സംഭവത്തില്‍ മൂന്നു പേര്‍ കൊല്ലപ്പെട്ടിരുന്നു. തുടര്‍ന്ന് ഏപ്രില്‍ മൂന്നിന് മഹാരാഷ്ട്രയിലെ രത്‌നഗിരിയില്‍ നിന്നാണ് പ്രത്യേക അന്വേഷണ സംഘം സെയ്ഫിയെ പിടികൂടിയത്.
English Summary;Elathur train departure; NIA raid in Shaheen Bagh
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.