രാജ്യസഭാ എംപിയും മുൻ ചീഫ് ജസ്റ്റിസുമായിരുന്ന രഞ്ജൻ ഗൊഗോയിക്കെതിരെ ഒരു കോടി രൂപയുടെ മാനനഷ്ടക്കേസ് ഫയല്‍ ചെയ്ത് അസം പബ്ലിക് വർക്‌സ് (എപിഡബ്ല്യു) പ്രസിഡന്റ് അഭിജിത്ത് ശർമ. കൂടാതെ അദ്ദേഹത്തിന്റെ ആത്മകഥ തടയണമെന്ന് ആവശ്യപ്പെട്ടുള്ള ഹര്‍ജിയും കാംരൂപ് മെട്രോ ജില്ലാ കോടതിയിൽ സമർപ്പിച്ചു.
ആത്മകഥാ പുസ്തകത്തില്‍ തനിക്കെതിരെ തെറ്റിദ്ധരിപ്പിക്കുന്നതും അപകീർത്തികരവുമായ പ്രസ്താവനകൾ ഉണ്ടെന്ന് ആരോപിച്ച് ഗൊഗോയിക്കും അദ്ദേഹത്തിന്റെ ആത്മകഥയായ ‘ജസ്റ്റിസ് ഫോർ എ ജഡ്ജി’യുടെ പ്രസാധകരായ രൂപ പബ്ലിക്കേഷൻസിനുമെതിരെയും ശർമ മാനനഷ്ടക്കേസ് ഫയൽ ചെയ്തിട്ടുണ്ട്.
പുസ്തകം കൂടുതൽ പ്രസിദ്ധീകരിക്കുന്നതിൽ നിന്നും വിതരണം ചെയ്യുന്നതിൽ നിന്നും വിൽക്കുന്നതിൽ നിന്നും ഗൊഗോയിയെയും പ്രസാധകരെയും തടയുന്ന ഒരു ഇടക്കാല നിരോധനം ആവശ്യപ്പെട്ടാണ് ശർമ ഹർജി സമർപ്പിച്ചിരിക്കുന്നത്. അടുത്ത വാദം കേൾക്കൽ ജൂൺ മൂന്നിലേക്ക് മാറ്റി.
English Summary;misleading and defamatory statements in the autobiographical book; Defamation case against Ranjan Gogoi
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.