തമിഴ്‌നാട്ടില്‍ വ്യാജമദ്യദുരന്തം: നാല് മരണം

തമിഴ്‌നാട്ടിലെ വില്ലുപുരം മരക്കാനത്ത് വ്യാജമദ്യം കഴിച്ച്‌ നാലുപേര്‍ മരിച്ചു. 12 പേരെ വിവിധ ആശുപത്രികളില്‍ പ്രവേശിപ്പിച്ചു. സുരേഷ്, ശങ്കര്‍, ധരണിവേല്‍, രാജമൂര്‍ത്തി എന്നിവരാണ് മരിച്ചത്. ആശുപത്രിയില്‍ പ്രവേശിപ്പിച്ച ചിലരുടെ നില ഗുരുതരമാണെന്ന് ആശുപത്രി വൃത്തങ്ങള്‍ അറിയിച്ചു.
ഒരാളെ പൊലീസ് കസ്റ്റഡിയിലെടുത്തിട്ടുണ്ട്. ദുരന്തത്തില്‍ അതീവ ദുഃഖം രേഖപ്പെടുത്തിയ മുഖ്യമന്ത്രി എം കെ സ്റ്റാലിന്‍ മരിച്ചവരുടെ കുടുംബങ്ങള്‍ക്ക് പത്തുലക്ഷം രൂപ ധനസഹായം പ്രഖ്യാപിച്ചു. മരക്കാനം എസ്ഐയെയും മറ്റൊരു ഉദ്യോഗസ്ഥനെയും സസ്പെന്‍ഡ് ചെയ്തിട്ടുണ്ട്.

eng­lish sum­ma­ry; Fake liquor tragedy in Tamil Nadu: Four dead
you may also like this video;