തീവ്രവാദ പ്രവർത്തനങ്ങൾക്ക് ധനസഹായം നൽകുന്നതിനായി ഗുജറാത്ത് വഴി ആയുധങ്ങളും മയക്കുമരുന്നും കടത്തിയ കേസിൽ 13 പാകിസ്താൻ പൗരന്മാർക്കെതിരെ എൻഐഎ കുറ്റപത്രം സമർപ്പിച്ചു. കഴിഞ്ഞ വർഷം ഡിസംബറിൽ പാകിസ്ഥാനില് നിന്നുള്ള മത്സ്യബന്ധന ബോട്ടിൽ നിന്നും വൻതോതിൽ മയക്കുമരുന്നും ആയുധങ്ങളും പിടിച്ചെടുത്തു. 13 പ്രതികളിൽ പത്തുപേരും അറസ്റ്റിലായതായി അഹമ്മദാബാദിലെ എൻഐഎ പ്രത്യേക കോടതിയിൽ സമർപ്പിച്ച കുറ്റപത്രത്തിൽ പറയുന്നു.
2022 ഡിസംബറിൽ പാകിസ്താനിൽ നിന്ന് ബോട്ട് വഴി ഗ്യാസ് സിലിണ്ടറിനുള്ളിൽ ഒളിപ്പിച്ച 40 കിലോ ഹെറോയിൻ, ആറ് വിദേശ നിർമ്മിത പിസ്റ്റളുകൾ, ആറ് മാസികകൾ, ഒമ്പത് എംഎം ലൈവ് കാട്രിഡ്ജുകൾ എന്നിവയുമായി 10 പാക്ക് പൗരന്മാരെ കോസ്റ്റ് ഗാർഡിന്റെ സഹായത്തോടെ ഗുജറാത്തിലെ തീവ്രവാദ വിരുദ്ധ സ്ക്വാഡ് അറസ്റ്റ് ചെയ്തിരുന്നു. ഇവരിൽ നിന്ന് പാകിസ്താൻ തിരിച്ചറിയൽ കാർഡുകൾ, മൊബൈലുകൾ, പാകിസ്താൻ നോട്ടുകൾ എന്നിവയും കണ്ടെടുത്തു. 2023 മാർച്ചിലാണ് കേസ് എൻഐഎയ്ക്ക് കൈമാറിയത്.
പ്രതികളായ മൂന്ന് പാകിസ്ഥാൻ പൗരന്മാർ ഇപ്പോഴും ഒളിവിലാണ്. പാക്ക് കേന്ദ്രീകരിച്ച് പ്രവർത്തിക്കുന്ന മയക്കുമരുന്ന് കടത്തുകാരനായ ഹാസി സലിം, അക്ബർ, കരീം ബക്ഷ് എന്നിവരുമായി സഹകരിച്ച് ഇന്ത്യയിലേക്ക് ഇറക്കുമതി ചെയ്ത അത്യാധുനിക ആയുധങ്ങൾ കടത്താൻ ശ്രമിച്ചു.
English Summary:NIA files chargesheet against 13 Pakistani nationals for drug and arms smuggling
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.